Eit møte med Ingvar Nistad og Sverre Kvamme
Far og son, dikt og film: Ingvar Nistad, lyrikar frå Fjaler, og sonen Sverre Kvamme, filmskapar frå Fusa, møtast på Ingvars heimebane under Fest i Fjaler. Nistad deler dikt frå sitt særeigne poetiske univers, medan Kvamme viser ein personleg kortfilm om bestemor Gunnlaug og hennar liv som den siste gjenlevande i Nistadlia i Dalsfjorden.
Foto: Sverre Kvamme
Ingvar Nistad (f. 1954) er forfattar og lyrikar frå Fjaler. Nistad debuterte med diktsamlinga Eg les denne steinen i 2000. I 2008 ga Nistad ut si andre bok, Dagane i Cholpon-Ata. Her presenterer han eit heilt særeige univers der forteljaren vandrar ved innsjøen, i gatene og sit i hagen under frukttrea. Slik er dagane i Cholpon-Ata, og slik flettar forteljingane seg saman til ei diktbok heilt utanom det vanlege. Under Säfstaholmen er Nistad si tredje bok. Først er det ein son som har ordet, han vitjar faren; den geografiske ramma er Pfalz. Sidan er staden ein annan, og no har faren ordet; han pratar med seg sjølv, han talar til veggene.
I tillegg til forfattargjerninga er Ingvar Nistad også keramikar og lærar. Han bur i Fusa.
Ingvar kjem heim til Fjaler saman med sonen sin, Sverre Kvamme. Sverre Kvamme har en bachelorgrad i samtidskunst, studerte film ved European Film College i Danmark og Nordland kunst- og filmhøgskole. Han har ei personleg tilnærming til eigen prosess som filmskapar, og utforskar tematikk rundt kjønn, barndom, død og sorg. I 2021 langfilmdebuterte han med dokumentaren Nattebarn. Under Fest i Fjaler viser Sverre ein kortfilm han har laga om bestemor si, Gunnlaug, frå tida då ho var den siste gjenlevande i Nistadlia i Dalsfjorden. Der kor tida gjekk sakte og ein hadde god tid til det meste.
Programpost i samarbeid med Rom for ord.
Aktuelt frå Sandesenteret
Fjaler inspirerer andre til å løfte kultur som ei viktig næringsgrein
Kva er det som gjer at vesle Fjaler kommune får til ei samordna satsing på kultur som basis for samfunns- og næringsutvikling? Og korleis kunne ein få til det same i Nordhordland? Dette har avisa Nordhordland sett nærare på etter eit studiebesøk til kulturkommunen Fjaler.
SPOR kjem til Augustikveld i Klokkargarden
Vokalensemble SPOR kjem til Fest i Fjaler og Augustikveld i Klokkargarden laurdag 15. august.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.