Forteljekunstakademiet
Sidan 2023 har Jakob Sande - senter for forteljekunst arrangert akademi i munnleg og skriftleg forteljekunst. Det er eit akademi for alle som ønskjer utvikle evnene sine til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.
Akademiet finn stad i Klokkargarden, staden der diktar og forteljar Jakob Sande vaks opp, og som er hovudsete for senter for forteljekunst. Og Steia gard, der Nikka Vonen dreiv skule for jenter mellom 1871-1907. Begge kulturmiljø av nasjonal betydning og stader for utvikling og fellesskap.
Årets tema
I 2025 jobbar Sandesenteret etter temaet Samspel. Samspel om korleis vi verkar saman med andre for å oppnå noko meir enn det vi kan klare åleine. Det ligg i relasjonen mellom menneske, i korleis vi kommuniserer, lyttar, og skapar eit klima der alle bidreg på sin måte. Samspel handlar òg om balansen mellom å ta ansvar og å gje rom for andre, om å bli sett og anerkjend som ein viktig del av heilskapen. Det er ei kontinuerleg rørsle av å gi og ta, lytte og svare, og finne måtar å forene ulike perspektiv og styrkar for å nå eit felles mål. Samspel er både ein prosess og eit ideal – ei drivkraft for utvikling, enten det handlar om enkeltpersonar, grupper eller større fellesskap.
Årets forteljekunstakademi er 18. - 20. juni.
Under akademiet vert det kurs i forteljeteknikkar, i skriving, det vert nøkkelføredrag og vandringar.
Program (kan kome endringar)
Onsdag 18. juni
1000-1300 Forkurs Munnleg forteljekunst // Verslesing ved Idun Losnegård og Rolf Losnegård på Steia gard. Deltakarane vil få innføring i arbeidet med innøving og framføring av dikt av Jakob Sande.
1300 Velkomst og ord ved Nikka Vonens minnestøtte og Jakob Sandes æresstøtte ved ordførar i Fjaler, Leif Jarle Espedal.
1330 Lunsj i Løa Ord ved dagleg leiar i Sandesenteret, Rakel C. W. Solheim
1445 - 1545 Brautometeret. Danning då og no. Innlegg ved Arne Osland frå UWC. Samtale med Ørjan Z. Johansen frå Jærmuseet.
1600 “Verda slik vi kjenner ho” ved Tidsskriftet Jaja.
1800 Opning av årets sommarutstilling i Bestefarstaua.
1900 Middag i Løa
2000 Føredraget “Tindesportens far Slingsby og Nikka Vonen” ved Inge Kjell Holme i Løa.
Torsdag 19. juni
0800 Morgontur. Kulturvandring ved kultursjef i Fjaler, Ingeborg Tysnes.
0900-0945 Ord for dagen Danning idag. Filosofiske perspektiv. Ved akademi-filosof Pedro Vincent Dias Bergheim frå UiB på Steia gard.
1000 - 1300 Kurs skriftleg forteljekunst // parallelle kurs
Kurs 1 Skapande skriving ved Demian Vitanza
Kurs 2 Skriveteknikk ved Irene Kinunda Afryie
1300 Lunsj i Løa.
1400 - 1500 Den immaterielle kulturarven og framtidas forteljarar i museumssektoren. Samtale mellom Garborgsenteret, Musea i Sogn og Fjordane, IBSEN Museum & Teater, Sandesenteret og Universitetet i Stavanger.
1600 Vandring og markering av UNESCO-statusen til Fjordkystparken. Vi går til eventyrskogen på Einehaugane, der det vert forteljing og markering. Oppmøte ved tuntreet i Klokkargarden. Ved Rolf Kleiven, Even Vie, Trude Søilen, Rakel Solheim, med fleire.
1800-1900 Sande sitt matbord i Løa.
2000 “Ønskediktet”. Dikt lese av engasjerte i Sandesenteret og deltakarar på kurs i verselesing. Open mikrofon.
Fredag 20. juni
0800 Morgontrening/bad med Ingvild Kjøsnes i Samspel i tunet/badevika
0900 Ord for dagen Gå som guten ved Gunnstein Akselberg i Gamle skulehuset
1000-1300 Kurs i munnleg forteljekunst // parallelle kurs
Kurs 1 Improvisasjon– å finne historia her og no, ved Veslemøy Mørkrid frå Det andre teatret
Kurs 2 Presentasjonsteknikk ved Irene Kinunda Afriyie.
1300 Lunsj og filosofisk kafè ved Pedro Vincent Dias Bergheim i Løa
1500-1700 Oppdagelsesferda Den hemmelege hagen. I Nikka Vonens hage Rosenlund på Steia Gard.
1800 Menneska rundt bålet – ein prolog til feiringa av Jonsok ved Demian Vitanza // I Løa
1900 Jonsokfeiring i Klokkargarden.
Ønskjer du bidra eller har spørsmål?
Ta kontakt på rakel@jakobsande.no