Ein auke til Jakob Sande-senter for forteljekunst
i SP sitt alternativ til statsbudsjett ligg Sandesenteret inne med ein solid auke. Får vi det gjennom kan vi sikre eit sterkare fagmiljø ved senteret og ei varig organisering.
Erling Sande (SP) og dotter til Jakob Sande, Siri Sande, under 5årsmarkeringa til Jakob Sande-senter for forteljekunst i august 2025. Foto: IKA
Senterpartiet føreslår i sitt alternative statsbudsjett å auke statsstøtta til Jakob Sande-senter for forteljekunst, og dermed styrke fagutviklinga ved senteret.
Ei satsing på munnleg og skriftleg forteljekunst som er viktig i dagens samfunn med nedgåande lese- og skrivelyst og -evner, kunstig intelligens og polariserte offentlege samtalar. Vi treng å løfte den menneskelege forteljekunsten heilt fremst i medvitet til folk over heile landet, og vidareutvikle ein stad, eit forteljekunstsenter, der alle kan kome for å utvikle sine evner til å lytte og fortelje i eit kulturhistorisk miljø der lyrikk, danning og munnleg forteljekunst sit i veggane og i tuna.
Vi takkar Senterpartiet for støtta dei viser oss med sitt alternativ til statsbudsjett og er spente på vegen vidare.
Aktuelt fra Jakob Sande-senteret
Til lukke med arbeidarane sin internasjonale kampdag
1. mai er arbeidarane sin kampdag, der krav om rettferd og betre arbeidsvilkår blir løfta fram. I diktet "Til den norske landarbeider" oppmodar Jakob Sande arbeidaren til å reise seg, knyte nevane og slutte seg til kampen, og gå saman under ei felles fane.
Les elevane sin rapport frå Bygningsverndagen 2026
Alle sjuandeklassingar i Fjaler og Hyllestad var invitert til Steia gard til Bygningsverndag 21. april. Der deltok elevane i tradisjonshandverk som sløyd, smie, steinarbeid, lafting og gartnararbeid i det rike kulturhistoriske miljøet. Jakob Sande - senter for forteljekunst, Nikka Vonen venelag, Skogselskapet og Kvernsteinsparken stod bak arrangementet. Skrivegruppa fekk prøve seg som både diktarar og journalistar. Med forteljingane om jentene som gjekk på Nikka Vonens pigeskole ferskt i minne, dikta dei fram brev og dagboknotatar frå ein morgon på Steia gard. Dei skreiv også frå ting som var tause forteljarar og fann på historier. Deretter prøvde dei seg som journalistar, og måtte sjå, høyre og spørje for å finne fram til fakta. Her kan du lese journalistane sin rapport frå dagen:
Vekas dikt: KLEPPE-MARET
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting. Kvar veke deler vi eit dikt som passar til temaet. Denne vekas dikt er Kleppe-Maret.