Markering av Nikka Vonen sin fødedag og det nystifta venelaget i hennar namn
I ettermiddag klokka 18 markerer vi fødedagen til Nikka Vonen med ei vandring og ein samtale. På markeringa vil du få høyre meir om det nystifta Nikka Vonen venelaget. Eit venelag med føremål om å styrkje interessa for Nikka Vonen si verksemd og skule- og danningshistoria i Dale. Vel møtt!
Nikka Vonen venelag skal bidra til å utvikle Steia gard til eit kulturhus og nasjonalt senter for danning med vekt på det levande ordet og undervisningskunst. Om du er interessert i å høyre meir eller vil melde deg inn som medlem i laget, kan du høyre meir under markering av Nikka Vonen sin fødedag med oppmøte ved minnestøtta på Steia gard i dag, fredag 14. november kl.18.00.
Kva skjer hos oss?
Ceilidh på Samvirket
Markering av fødedagen til Robert Burns, Skottlands nasjonaldiktar, med ein ceilidh, ein tradisjonell skotsk festkveld med musikk, dans, allsong og sosialt samvær på Samvirket.
Sandeseminaret 2026: Forteljekunst i skule, arbeid og liv
I 2026 inviterer vi aktørar frå skule, arbeidsliv, kunst og kultur til eit fagleg seminar om forteljekunst i skule arbeidsliv og liv. Ei av satsingane våre er eit eige programfag om forteljekunst i vidaregåande skule. På seminaret vil vi drøfte og utforske behovet og vilkåra for forteljing og forteljekunst i skule, arbeidsliv og liv, gjennom foredrag, panelsamtalar, dialog og forteljekunst.
Forteljekunstakademiet
Forteljekunstakademiet er for alle som ønskjer utvikle evnene sine til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.
Aktuelt fra Jakob Sande-senteret
Sandesenteret lanserer Forteljeduken
Forteljeduken er ein ny, vevd duk med motiv av illustratør Eva Meier, produsert ved det tradisjonsrike Ekelund veveri. Inspirert av liv, arbeid og forteljingar langs Dalsfjorden inviterer duken til samtale og glede rundt bordet.
Sandesenteret får støtte til å utbetre uteområdet ved Løa
Sandesenteret får støtte frå Huset i Bygda og kulturminnemidlar frå Fjaler kommune til å utbetre uteområdet ved Løa. Midlane gjer det mogleg å betre tilkomsten, gjere området universelt utforma og endå meir tilgjengeleg for alle, både dei som leiger huset, deltek på arrangement og brukar uteområdet til skule eller fritid.
I residens
Jógvan Helge Gardar er årets første i residensen. Under opphaldet skriv han på ein eigen roman i tillegg til å omsetje færøysk poesi til nynorsk.