Vi inviterer til diktardagen for små og store. Bli med på feiringa av diktaren Jakob Sande sin fødedag og starten på adventstida!
Bli med på ei markering av Jakob Sande sin fødedag, med lystenning, opne hus og innslag frå fleire medverkande i Klokkargarden og på Steia. Gunnstein Akselberg kjem med helsinga «Til Jakoben på 119-årsdagen» i Gamle skulehuset,og besøkande får høve til besøke husa i kulturmiljø rundt Jakob Sande og Nikka Vonen.
Bli med på ein stemningsfull førjulskveld når Sigrid Felde og Mats Systaddal inviterer til julekonsert i Løa. Med eit variert program som inkluderer kjende og kjære julesongar, nyare favorittar og eigne komposisjonar, blir det ei varm og musikalsk førjulsoppleving.
Fredag arrangerte vi Nynorskdagen for vaksenopplæringa. 17 elevar frå ulike nasjonalitetar skapte eit gruppedikt på nynorsk, saman med dramatikar E.V.Crowe.
Marius Moldvær er på residensopphald i Jakob Sande-senter for forteljekunst. Under opphaldet jobbar han med manus til ein oppvekstroman.
Denne hausten deler vi eit nytt dikt kvar veke. Denne veka er det diktet Åse fantemor frå samlinga Storm frå vest vi presenterer.