Turinspirasjon for heile familien med turbokforfattar Inger Karin Natlandsmyr
Bli med på ein kveld med forteljingar om natur- og friluftsglede for heile familien!
Turbokforfattar Inger Karin Natlandsmyr er i residens i Sandesenteret og inviterer til ein kveld om tur-, natur-og friluftsglede for heile familien. Ho vil snakke om fotturar, skiturar og opplevingar som både store og små kan glede seg over og vise bilete frå ulike turar og opplevingar.
Inger Karin har gått heile Norge på langs både til fots og på ski, og har besøkt dei fleste nasjonalparkane vi har i landet vårt. Ho har og utforska turklassikarar i alle dei nordiske landea. Denne ettermiddagen kan du få gode tips til ein aktiv sommerferie og spennande helgeturar både i Noreg og Norden.
Inger Karin har fire born og har vore leiar av Barnas turlag i Stavanger, og har lang erfaring med å ta med born og ungdom på tur. Det blir anledning til å stille spørsmål og få råd om turar.
Turbokforfattaren har gitt ut bøkene «Norgesturen» (2020) og «Nordisk turbok» (2022) og «Norges beste skiturer» (Gyldendal, 2024). Etter foredraget kan ein kjøpe ei turbok og få den signert.
Kom og bli med på ein inspirerende kveld i Løa! Ta gjerne med ungane!
Inger Karin er i residens i Jakob Sande-senteret og arrangementet er hennar måte å takke for seg på. Arrangementet er gratis og eit samarbeid mellom Jakob Sande – senter for forteljekunst og Barnas turlag i Indre Sunnfjord Turlag.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.