Om Jakob Sande - senter for forteljekunst

Foto: David Zadig

Jakob Sande – senter for forteljekunst skal:

  • forvalte, forske i og formidle arven etter diktaren Jakob Sande.
  • utvikle eit nasjonalt fagmiljø for munnleg og skriftleg forteljekunst.
  • få fram nye forteljingar og røyster.
  • skape samarbeid mellom folk og miljø som har forteljing som kjerne i verksemda si.

Sandesenteret skal bidra til at fleire får eigarskap til nynorsk språk og kultur, og jobbar for at folk på tvers av bakgrunnar og generasjonar skal finne fram til sitt språk og uttrykk. Senteret forvaltar ein vesentleg del av den immaterielle kulturarven i Noreg. 

Gjennom den faglege satstinga "Då Daniel drog", arbeider senteret med å bygge opp eit nasjonalt fagmiljø for skriftleg og munnleg forteljekunst. Vi har eit breitt tilbod for publikum, erfarne og nye skrivande og skapande, for barn og ungdom, og for næringsliv og kulturliv. 

Hos oss kan du mellom anna:

  • delta på ei rekkje ulike arrangement
  • søkje opphald i diktarresidensen i barndomsheimen til Jakob Sande
  • utvikle evnene dine innom tmunnleg og skriftleg forteljekunst
  • oppleve musikk og forteljing under Fest i Fjaler
  • leige lokale til private arrangement
  • besøke bokhandelen og krambua i Gamle skulehuset
  • lære om Jakob Sande sitt liv og dikting i museet i Bestefarstaua eller på omvising i Klokkargarden. Du kan også få omvising i Nikka Vonens fotspor.
  • få skreddarsydde opplegg for barnehagar, skuleelevar eller studentar
  • lese Tidsskriftet Jaja om og med forteljekunst
  • delta på det tradisjonsrike og faglege Sandeseminaret

I tillegg har vi produksjonar, utstillingar, komposisjonar og samarbeid med forskingsmiljø. 

Ta kontakt om du vil samarbeide med oss. 

Skriftleg og munnleg forteljekunst

Verksemda til senteret omfattar både den munnlege og skriftlege forteljekunsten: 1) den litterære forteljekunsten som er nedfelt i litteraturen, og 2) den munnlege forteljekunsten som får eit munnleg uttrykk i ein formidlingssituasjon «der og då». 

Desse to forteljekunstformene har forskjellige kjenneteikn og former, og forskjellig kontekstuell og sosial funksjon, men dei byggjer i all hovudsak på det same grunnlaget: den «folkelege» forteljetradisjon. 

Historia

Jakob Sande - senter for forteljekunst opna i august 2020, med formål om å forvalte og forske i arven etter forfattar Jakob Sande, bygge opp fagmiljø for forteljekunst nasjonalt og arbeide for å få fram eit mangfald av nye røyster. 

Senteret bygger på det mangeårige arbeidet til Jakob Sande-selskapet, ein frivillig organisasjon som sidan 1991 har arbeidd for å ta vare på og fremje Sande si dikting. Senteret byggjer òg på ambisjonar frå lokale, regionale og nasjonale politikarar om å etablere det første nasjonale senteret for forteljekunst. 

Senteret ligg i barndomsheimen til den folkekjære diktaren Jakob Sande, i Klokkargarden i Fjaler. Senteret har både lokal, nasjonal og internasjonal aktivitet.  

Kalender

Kva skjer hos oss?

3. - 4.
april
12:00 – 23:00

Sandeseminaret 2025

Torsdag 3. og fredag 4. april inviterer vi til Sandeseminaret, som i år handlar om krafta i å fortelje, lytte og lese. På programmet står mellom anna føredrag, samtalar, vandring og kurs.

3.
april
13:00 – 14:30

Korleis lese saman i skulen?

Under Sandeseminaret kan du lære om metoden samlesing - shared reading. Denne økta er relevant for alle som jobbar med leselyst, og særleg retta mot lærarar eller deg som jobbar med sosialt arbeid.

3.
april
19:00 – 22:30

Forteljekveld på Sandeseminaret: Nynorsk framsnakk, lesande ungdom & musikk

Under Sandeseminaret 2025 inviterer vi til kveldsprogram, som er ope for publikum. Velkomen til ein kveld med feiring av nynorsk litteratur, kveldssamtale med lesande ungdom, levande musikk og pub!