Forteljestund med Rolf Magne: Kokosbananas og juletyven

På Diktardagen 1. desember kjem forfattaren bak Kokosbananas-universet for å gi oss julestemning med oppfinnar-vri. 

Det er desember og Kokosbananas gler seg skikkeleg til jul! Han har funne fram julegensaren sin og er klar for alle juleførbuingane som familien gjer saman kvart einaste år. Dei skal bake peparkaker, pynte huset, sjå julefilmar og kose seg. Det er riktignok litt rart at Pappa Kokos har laga kalendar med pappavitsar i staden for pakkekalendar, men det er noko endå rarare som går føre seg. For kven er det som flyttar på ting i oppfinnarskuret? Kvifor er det ugjenkjennelege spor i snøen utanfor huset? Og kvifor har Kokosbananas ei merkeleg kjensle av at nokon følgjer med på han?

Kokosbananas og juletyven er illustrert av Victoria H. Hamre, og passar for heile familien.

Vi byr på peparkaker og saft. Velkomen til Lokalet i Gamle kommunehuset. 

1. desember er det 120 år sidan Jakob Sande blei fødd. Sandesenteret markerer dagen med Forteljestund med Rolf Magne, talkshow med Ingrid Nedrebø og Finn Tokvam og konsert med Synneva Gjelland som syng Halldis Moren Vesaas.