Eva Meier har skapt ny forteljekopp
Eva Meier har skapt illustrasjonane på koppane i Sandesenteret. No har ho skapt ein ny kopp inspirert av gründerverksemd og industri langs Dalsfjorden.
Arbeidsskisse til den nye forteljekoppen.
Eva Meier har tatt forteljingar om gründera i Fjaler og industrien langs Dalsfjorden og omskapt det heile til eit nytt kunstverk som Figgjo no trykker på den heilt nye koppen til Sandesenteret. Koppen fortel om personar som har tenkt store tankar, om fabrikk-liv og hendingar langs Dalsfjorden.
Eva Meier er kunstnaren bak dei vakre illustrasjonane på produkta og alt materiell ved Sandesenteret. Ho har utdanning frå Utrecht School of the Arts i Nederland, der ho studerte illustrasjon. Eva har alltid uttrykt seg gjennom teikning og har ein lidenskap for å skildre samanhengar gjennom streken sin. Med eit særeige blikk for visuell forteljing formidlar ho historier som tilfører kvart kunstverk ein ekstra dimensjon.
Velkomen til lansering av koppen i gamle skulehuset laurdag 29.11. kl.12.
Kva skjer hos oss?
Juleope i skulehuset
Utvida opningstider i skulehuset før jul, med sal av eigne produkt, litteratur og open kafé. Velkomen!
Juleope i skulehuset
Utvida opningstider i skulehuset før jul, med sal av eigne produkt, litteratur og open kafé. Velkomen!
Juleope i skulehuset
Utvida opningstider i skulehuset før jul, med sal av eigne produkt, litteratur og open kafé. Velkomen!
Aktuelt fra Jakob Sande-senteret
Adventskalender i Jakob Sande-senter for forteljekunst
Kvar dag i advent deler vi eit sitat henta frå Sande si dikting. Kan hende veit du kva for dikt sitatet er henta frå? Første luke opna vi på fødedagen til Jakob, 1. desember.
Mange små og store på Diktardagen
Både born, ungdom og vaksne kom for å feire Diktardagen og oppleve førjula hos Jakob Sande - senter for forteljekunst.
Lytt til Klartekst om Jaja og Jakob Sande
Redaktør for Tidsskriftet Jaja og fagutviklar ved Jakob Sande - senter for forteljekunst Tora Hope er gjest i podkasten Klartekst.