Det riggast til grøss og gru i tunet!
Det riggast og rører seg i Klokkargarden, noko skummelt er på gang! Valfaggruppa "Produksjon for scene", teatergruppa og koret Dekor jr. ved Kulturskulen i HAF byr på ei stemningsfull oppleving full av teater, song og aktivitetar. Tør du å kome?
Bak dei skumle kulissane og dei levande lysa står eit heilt fellesskap av frivillige og tilsette som førebur årets grøssande høgdepunkt. Volontørane frå Frivilligsentralen bidreg, det same gjer frivillige frå Jakob Sande-selskapet og Dale Ungdomslag. Tilsette frå Kulturskulen i HAF og frå Sandesenteret sørgjer for at alt frå teater og song til rigging og dekor går på skinner. Her er mange hender i sving for å gjere kvelden uforgløymeleg!
I systova tryllar Eva Meier og Margrete Reisæter fram kostymer til valfagsgruppa, som øver på replikkar og skumle aktivitetar. Fabel Barneteater øver på song og på å vere skumle, medan bollebakarane i bakgrunnen planlegg sin heilt eigen skumle bakst.
Torsdag kjem UWC-studentar for å rigge arenaene, og då fell alt på plass. Det einaste du må gjere, er å kome!
Om du vågar deg ut denne kvelden: Velkomen til Grøss og gru i Klokkargarden fredag 31. oktober kl. 18.
Det er gratis og ope for alle. Oppmøte ved Studio Nova.
Kva skjer hos oss?
Laurdagsope i skulehuset
Laurdagsopen bokhandel, krambu og kafè i det gamle skulehuset.
Manuslesing av Liminal
Paula Ramos er i residens i Sandesenteret. Laurdag les Paula, i samarbeid med fleire, høgt frå eit manus til eit teaterstykke ho har arbeidd med under opphaldet.
Kvinna – ein Jakob Sande-diktkonsert
«Kvinna» markerer opninga på Jakob Sande-minifestival som finn stad i Nynorskens hus, Nynorsk bokhandel og Bikuben på Det Norske Teatret 9.-10. november 2026. Arrangørar er Jakob Sande - senter for forteljekunst, Venner av Det Norske Teatret, Den Mangfaldig Scenen, BUL, Vikværingen og Samlagsrota.
Aktuelt fra Jakob Sande-senteret
Paula Elena Ramos – Artist in Residence
For the next three weeks, Paula Elena Ramos from Spain will be in residence at Jakob Sande's childhood home, here at the Sande centre.
Søk residensopphald for 2027 innan 1. november
Søknadsfristen for residensopphald i barndomsheimen til Jakob Sande i 2027 er 1. november. Studentar blir særskilt oppmoda om å søke.
Er du vår nye vert og pedagog?
Jakob Sande-senter for forteljekunst har ledig stilling som museumsvert og pedagog frå 1. januar 2027. Søknadsfrist 8. november.