Jakob Sande – senter for forteljekunst er eit nasjonalt senter for munnleg og skriftleg forteljekunst.
Kva skjer hos oss?
Lansering av Grasboka
Onsdag 8. april vert det lansering av Siri Helle si nye bok, Grasboka. Møte Siri Helle i samtale med Torkil Sandsund og Åsmund Kvifte i Løa kl. 19.
Allsong i Løa
Velkomen til ein kveld fylt med musikk, fellesskap og god stemning i Løa. Ta med songgleda og bli med!
Sommarakademi i munnleg og skriftleg forteljekunst
Sommarakademiet er for alle som ønskjer utvikle evnene sine til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.
Aktuelt frå Sandesenteret
Nytt kunstverk frå Ivar Orvedal
"Fins ikke like i dette landet! Parapoetica er et overskuddsfenomen – i tankekraft, omfang, topografi og forbindelser. Den er blitt så utrolig fin og god å holde i, bla i, fordype seg i og glede seg over. Kvalitet på alle plan!" – Torild Wardenær
Ny utgjeving frå Sandesenteret
Den vesle boka "Samspel" samlar dikt av Kjersti Wøien Håland og papirkunst av Eva Meier. Boka er inspirert av fjorårets tema Samspel og er no til sals i Gamle skulehuset.
Vekas dikt: Sovande kvinne
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting. Kvar veke deler vi eit dikt som passar til temaet. Først ut er "Sovande kvinne".
Langt inn i bergi blåe, der sylverskogen gror,
det glitrar i dyre steinar og lyser av perlemor.
Her er ikkje haust og vetter, her er ikkje natt og dag,
og stilt i ljose draumer går sus av båreslag.
Vårfuglar
Den fyrste som kjem er staren,
og høgt i sitt fuglebur
sit staremora og -faren
med takk og pris etter tur.
– Nei, høyr – kviskrar fuglekongen
ein dag ut i mars ein gong
– eg kjenner lerka på songen,
nei, høyr på lerka sin song! –
På åkeren trufast trippar
eit kvitrande erlepar,
og brødet bak plogen nippar
i bonden sitt fotefar.
Mot kvelden i solfallsglansen
sviv svala i bryllopsdans.
Med himmelskrift trør ho i dansen
mot kveld i solfallsgland.
Til slutt er det kanskje greiast
å gå til ein gaukemann,
for det som til slutt skal seiast
gjer ingen betre enn han.
