Aftenlandet kjem til Fest i Fjaler

Aftenlandet gjorde stor suksess med melodiøs visepop og nynorske tekstar på 1990- og 2000-talet.  På debutalbumet «Aftenlandet» var alle tekstane skrivne av Jakob Sande. I 2017 gjekk grunnleggar og komponist Sven Erik Vaksdal bort, og Aftenlandet spelte ikkje fleire konsertar. I november 2025 bestemte medlemmene seg for å samlast igjen, for å heidre sin avdøde ven med ein spesialkonsert. Med vokalist Astrid Kloster i spissen fylte dei Madam Felle i Bergen, og konserten gav meirsmak. På Fest i Fjaler, laurdag 15. august, blir det frå utescena i Klokkargarden gjenhøyr med store radiohits som «Du», «Hymne» og «Morgon i mai».

Aftenlandet består av Astrid Kloster, Mats Grønner, Aage Vaksdal, Halvor Folgerø, Tor Bjarne Bjelland og Helge Lilletvedt. 

Astrid Kloster – vokal

Bur i heimbyen Stavanger. Sidan Aftenlandets siste utgjeving i 2005 har Astrid gitt ut to kritikerroste album; Spor og Vintersong. Sjangermessig spenner Astrid vidt, og ho syng like gjerne soul og jazz som viser og singer/songwriterstoff. Uavhengig av sjanger er likevel varemerket hennar sterke tolkningar og ei særeigen formidlingsevne.

 Mats Grønner – gitar og kor

Bur i Oslo. Mats har jobba som musiker i mange år, både i studio, på turné og de siste åra mykje innan teater. Han har samarbeidd med ei rekkje flotte musikarar og artistar, som Jan Eggum, Trond-Viggo Torgersen og mange fleire.

 Aage Vaksdal, trekkspel og kor

Bur på Dale i Vaksdal. Aage har lang røynsle med studioarbeid, turnéar og teaterverksemd, er m.a. kjend frå Jakob Sande-framsyninga til Jon Eikemo. Speler oftast vise og jazz, men er óg glad i akustisk rock á la Tom Petty, Bob Dylan og Tom Waits.

 Tor Bjarne Bjelland, trommer

Bur i Bergen. Tor Bjarne er utdanna ved Jazzlinja på NTNU i Trondheim, og har lang røynsle som musiker, både på turne og i studio. Har spelt med ei rekkje artistar, dei siste åra har han jobba mykje med teater, m.a. på Den Nationale Scene.

 Halvor Folgerø, bass

Bur i Bergen. Som musiker har han spelt med mange ulike artistar, og har dei seinare åra jobba mykje på teater. Halvor har også ei fortid som NRK-journalist, og har dei siste åra gitt ut fleire kritikarroste bøker. Sist sett i Klokkargarden i 2025, då han fekk Samlagsprisen for bøkene sine.

 Helge Lilletvedt, tangentar

Bur i Bergen. Helge er den einaste som ikkje var med i originalbesetninga. Han er til dagleg musikalsk leiar ved Den Nationale Scene, og har ein lang karriere som frilans-musiker, komponist og arrangør. Helge Herborg Kråkevik sin faste pianist, og har samarbeidd med ei rekkje kjende artistar.

Konserten er ein del av Augustikveld i Klokkargarden, eit program med forteljing, allsong, prisutdelingar og konsertar. Programmet vert på utescene i Klokkargarden. Om dårleg ver blir programmet flytta inn på Samvirket scene. 

Eit kjent cover i dei fleste CD-hyller då debutplata til Aftenlandet kom ut i 1997. På plata er alle tekstane skrivne av Jakob Sande.