Helma og Edith – eit kontrafaktisk møte
Ena Johanna Rathgeb er i residens ved Sandesenteret og inviterer til ein presentasjon av sitt pågåande kunstnariske prosjekt. Prosjektet utforskar kunst, arbeid og kvinner som levde og handla i skuggen av kunstnar Kurt Schwitters.
(Kurts kvinner) Edith & Helma
(eit kontrafaktisk møte)
Prosjektet tek utgangspunkt i Kurt Schwitters, den tyske dadaisten som kom i eksil til Noreg under andre verdskrig. Arbeidet fokuserer på kvinnene i livet hans: Helma Schwitters, som var kvinna som forvalta verka hans og tok vare på hans kunstnariske virke, og Edith Thomas, ein fransk-amerikansk forfatter, arkivar, historikar og journalist. Dei to kvinnene møttest aldri. Begge levde i skuggen av Schwitters, samtidig som dei spelte ei avgjerande rolle i hans kunstnariske karriere.
Prosjektet undersøker eit hypotetisk møte mellom Helma og Edith: Kva ville dei ha snakka om dersom dei hadde møttest? Rathgeb førestiller seg ein samtale der dei snakkar om seg sjølv, om sine draumar og lengslar, planar, svik, kunst, arbeid og ambisjonar, og om erfaringa av å vere kvinne i ei mannsdominert kunstverd.
Ena Rathgeb er ein tverrfagleg kunstnar og designer basert i Bergen. Praksisen hennar kombinerer narrativ teikning, handverk som veving og bokkunst, samt kunstnarisk forskning. Rathgeb sitt kunstnariske arbeid beveger seg i skjeringspunktet mellom hukommelse, observasjon og fantasi. Det tar ofte utgangspunkt i biografiske fragment, historier, objekt og rom som har forma ho. Rathgeb er særleg interessert i korleis personleg og familiær historie lagrast i bilete, og korleis element frå fortida kan rekomponerast i notida. I teikninga finn ho eit språk for å synleggjere desse prosessane. Gjennom arbeid med fargeblyant, blekk og grafitt brukar ho teikning som eit rom for observasjon, refleksjon og ettertanke.
Ena lagar suppe. Pris for inngang og suppe kr. 100,-
Etter presentasjonen til Rathgeb kan du bli att i skulehuset og bli med på stille bokklubb.
Aktuelt frå Sandesenteret
Til lukke med arbeidarane sin internasjonale kampdag
1. mai er arbeidarane sin kampdag, der krav om rettferd og betre arbeidsvilkår blir løfta fram. I diktet "Til den norske landarbeider" oppmodar Jakob Sande arbeidaren til å reise seg, knyte nevane og slutte seg til kampen, og gå saman under ei felles fane.
Les elevane sin rapport frå Bygningsverndagen 2026
Alle sjuandeklassingar i Fjaler og Hyllestad var invitert til Steia gard til Bygningsverndag 21. april. Der deltok elevane i tradisjonshandverk som sløyd, smie, steinarbeid, lafting og gartnararbeid i det rike kulturhistoriske miljøet. Jakob Sande - senter for forteljekunst, Nikka Vonen venelag, Skogselskapet og Kvernsteinsparken stod bak arrangementet. Skrivegruppa fekk prøve seg som både diktarar og journalistar. Med forteljingane om jentene som gjekk på Nikka Vonens pigeskole ferskt i minne, dikta dei fram brev og dagboknotatar frå ein morgon på Steia gard. Dei skreiv også frå ting som var tause forteljarar og fann på historier. Deretter prøvde dei seg som journalistar, og måtte sjå, høyre og spørje for å finne fram til fakta. Her kan du lese journalistane sin rapport frå dagen:
Vekas dikt: KLEPPE-MARET
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting. Kvar veke deler vi eit dikt som passar til temaet. Denne vekas dikt er Kleppe-Maret.
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Open bokhandel og krambu i Gamle skulehuset
Sandesenteret sin eigen bokhandel, krambu og møteplass ope laurdagar 11-14. Enkel kafè og eit utval nye bøker og ymse frå eigen produksjon.
Sommarakademi i munnleg og skriftleg forteljekunst
Sommarakademiet er for alle som ønskjer utvikle evnene sine til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.