Med born på Fest i Fjaler
Ta med borna i Klokkargarden!
Frå kl. 11 laurdag vert det kreativ verkstad for born i skulehuset der dei kan lage bokmerker og armband med Malin Ødemark frå Sogn og Fjordane Husflidslag.
Ho er kunst- og handverkslærar og har jobba kreativt med mange ulike teknikkar sidan ho var lita. Kafeen og bokhandelen er open.
Kl. 13 vert det Internasjonal fabeldag i tunet med Luethi-Peterson-leiren (LPC) på Heggnes, ei fargerik framsyning med dans og musikk (inne i Studio Nova viss styrtregn).
I tunet er det også opa forteljeløype med postar rundt i tunet, og sal av pizza og is!
Gratis inngong.
Vel møtt!
Aktuelt fra Jakob Sande-senteret
Aftenlandet kjem til Fest i Fjaler
Aftenlandet kjem til Fest i Fjaler laurdag 15. august med melodisk visepop, nynorske tekstar av Jakob Sande og kjende låtar som «Du», «Hymne» og «Morgon i mai».
Vekas dikt: Stubb
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting og deler eit nytt dikt kvar veke. Denne vekas dikt er "Stubb".
Aina Basso held det første Sandeføredraget
I 2026 er det 120 år sidan Jakob Sande var fødd. I høve jubileet skipar vi ein ny tradisjon, og inviterer ein framifrå formidlar til å halde det første Sandeføredraget.