Les Tidsskriftet Jaja på papir
I august debuterer Jaja som fysisk tidsskrift. Du kan førehandstinge utgåva allereie no.
Logo av Eva Meier
Førehandsting Jaja hos Tekstallmenningen og få utgåva med temaet «Ting som tause forteljarar» i postkassen i august.
Jakob Sande - senter for forteljekunst gir ut Tidsskriftet Jaja om og med forteljekunst. Jaja er kulturtidsskriftet frå den vestnorske bygda, som dreier kring forteljekunst, forteljingar og språk.
I denne første fysiske utgåva vil du finne bidrag frå eit gnistrande lag ferske og erfarne skribentar. Dei utforskar temaet «ting som tause forteljarar» med nysgjerrige, skarpe, underhaldande, undrande og analytiske blikk.
Utgåva vert lansert under Fest i Fjaler 2025, og vil også kome til sals i Gamle skulehuset hos utgivar Jakob Sande-senter for forteljekunst og hos Tekstallmenningen i Bergen.
Vi tilbyr ordinært abonnement og venskapsabonnement for deg som har hjarte for Jaja. Abonnementet inkluderer ei fysisk utgåve i året. Du kan også lese våre digitale utgåver gratis på tidsskriftetjaja.no.
I papirutgåva vil du blant anna finne bidrag frå:
- Benedicte Sundsbøe og Maja Raaen Hisdal
- Ruth Lillegraven
- Brynjulf Jung Tjønn
- Dubie Toa-Kwapong
- Eli Fossdal Vaage
- Tekstfellesskapet SKROT ved Helle Linderud (red) og Emma Eggen (red)
- Gunnstein Akselberg
- Heidi Hattestein
- Marjam Idriss
- Monica Goksøyr
- Rakeb Erana
- Robin de Walle
- Siri Helle
- Lea Widding Bakke
- Janne Karin Støylen
- E.V. Crowe og Erik Hovland
Designar er Maria Astrup og redaktør er Tora Hope.
Aktuelt fra Jakob Sande-senteret
Markering av UNESCO-status i Solund
Fjordkysten regional- og geopark er godkjend som ein UNESCO Global Geopark - ei høgthengjande utmerking for område med særskild unik geologi, natur og kultur på verdsbasis.
Markerer verdas bokdag med bokpakkar til skulestartarane i Fjaler
I dag er det verdas bokdag. Kvart år feirer UNESCO verdas bokdag for å anerkjenne krafta i bøkene og korleis den krafta kan byggje bru mellom generasjonar og på tvers av kulturar. Under Sandeseminaret 3.-4. april lanserte vi “Fjaler les”, der alle førskuleungar i Fjaler får ein bokpakke med nynorsk kvalitetslitteratur med oppmoding om lesande heimar. Prosjektet er eit samarbeid mellom Sandesenteret, Fjaler kommune, Samlaget og Fylkesbiblioteket.
Samla folk og miljø om krafta i å fortelje, lytte og lese
Sandeseminaret er ein del av vårt arbeid for å bygge eit nasjonalt fagmiljø innom munnleg og skriftleg forteljekunst.