Lys i gamle hus: diktardagen 1. desember

 Jakob Sande vart fødd i Bestefarstaua 1. desember 1906. Dette markerer vi med diktardagen. På diktardagen 1. desember vert det lys i alle hus i Klokkargarden, på tusenårsstaden og på Steia. Du er hjarteleg velkomen inn i husa på garden. I tunet vert det allsong, lesing og lystenning.

Det startar kl. 1700 med graut og høgtlesing for born i Løa. Rolf Magne Golten Andersen, skaparen av Kokosbananas-universet, kjem og les frå Nattninja. 

Kl. 1800 tenner vi lysa i tuntreet. Elevar frå valfaget Produksjon for scene på Dingemoen skule, har tidlegare på dagen vore på diktarkurs med Thea Hjelmeland og les no noko av det dei har skapt og leier allsongen. Madina Darwazi les dikt. 

Etter stunda rundt tuntreet er du hjarteleg velkomen inn i dei ulike husa på garden. 

Bli med inn i:

I Bestefarstaua, der Jakob vart fødd.

I våningshuset, der Jakob vaks opp, og som no er både residens og kontor.

I Gamle skulehuset, der Jakob gjekk på skule, og som no er bokhandel og krambu.

Frå kl. 18.30 og utover vert det også ope hus på Steia Gard, der Nikka Vonen dreiv sin pikeskole, møter du Siri Ingvaldsen, Hans Bjarne Haugen og Alexander Rauboti, som held ope hus og fortel om det nyoppretta venelaget for Nikka.