Bygningsverndagen 2025
På frigjeringsdagen 8. mai, inviterte Jakob Sande-senter for forteljekunst og Musea i Sogn og Fjordane ved Kvernsteinsparken til Bygningsverndag på Steia Gard, staden der Nikka Vonen dreiv skule for jenter mellom 1871-1907, og ga dei opplæring i mellom anna sløyd, soge, naturbruk og danning.
Smed Ove Ryland frå Kvernsteinsparken lærer elev frå Dingemoen skule å smi.
Steia Gard er eit kulturmiljø av nasjonal betydning og ein stad for utvikling og fellesskap. Å samle femti 7. klassingar til ein dag som handla om nettopp det, var meiningsfull og lærerik. Elevane fekk prøve seg i smia saman med smed Ove Ryland frå Kvernsteinsparken, å kverne korn med kvernstein saman med Frøydis Akse frå Kvernsteinsparken, dei fekk lære seg å lage ei lita skei og ein kopp saman med dei erfarne handverkarane Jan Haugen og Vidar Jensen, dei fekk prøve lafting og skogsrebus saman med Ruben Bøthun og Svein Saure frå Skogselskapet i Sogn og Fjordane, lære ulike veveteknikkar saman med Malin- Charlotte Ødemark frå Sogn og Fjordane husflidlag. Vi takkar Hyllestad og Dingemoen skule for besøket.
Dagen vart avslutta med Open sløydsal i gamle Fjaler ungdomsskule, der kven som helst kunne lære seg å bruke kniv og navar saman med Jan og Vidar.
Årets initiativtakarar og bidragytarar til Bygningsverndagen: Frøydis Akse, Alexander A. Rauboti, Malin-Charlotte Ødemark, Ruben Bøthun, Svein Saure, Rakel C. W. Solheim, Ove Ryland. Jan Haugen og Vidar Jensen var framleis på sløyden då bilete vart teke.
Aktuelt fra Jakob Sande-senteret
Til lukke med arbeidarane sin internasjonale kampdag
1. mai er arbeidarane sin kampdag, der krav om rettferd og betre arbeidsvilkår blir løfta fram. I diktet "Til den norske landarbeider" oppmodar Jakob Sande arbeidaren til å reise seg, knyte nevane og slutte seg til kampen, og gå saman under ei felles fane.
Les elevane sin rapport frå Bygningsverndagen 2026
Alle sjuandeklassingar i Fjaler og Hyllestad var invitert til Steia gard til Bygningsverndag 21. april. Der deltok elevane i tradisjonshandverk som sløyd, smie, steinarbeid, lafting og gartnararbeid i det rike kulturhistoriske miljøet. Jakob Sande - senter for forteljekunst, Nikka Vonen venelag, Skogselskapet og Kvernsteinsparken stod bak arrangementet. Skrivegruppa fekk prøve seg som både diktarar og journalistar. Med forteljingane om jentene som gjekk på Nikka Vonens pigeskole ferskt i minne, dikta dei fram brev og dagboknotatar frå ein morgon på Steia gard. Dei skreiv også frå ting som var tause forteljarar og fann på historier. Deretter prøvde dei seg som journalistar, og måtte sjå, høyre og spørje for å finne fram til fakta. Her kan du lese journalistane sin rapport frå dagen:
Vekas dikt: KLEPPE-MARET
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting. Kvar veke deler vi eit dikt som passar til temaet. Denne vekas dikt er Kleppe-Maret.