Ønskediktet // Ein kveld med dikt som rører oss
Bli med på ein kveld i Løa under Forteljekunstakademiet, der vi deler favorittdikt – med særleg vekt på Jakob Sande sine verk. Inspirert av Hartvig Kirans NRK-program Ønskediktet, hyllar vi dikt som betyr noko for oss. Ta med ditt favorittdikt, eller kom for å lytte og bli inspirert. Alle er velkomne!
På Forteljekunstakademiet inviterer vi til ein kveld i Løa der folk kan dele sine favorittdikt, med særleg vekt på Jakob Sande sine verk.
Kvelden hentar inspirasjon frå NRK-programmet Ønskediktet, initiert av lyrikar og kringkastingsmannen Hartvig Kiran, som leia programmet frå 1962 til 1978. Kiran skreiv eit dikt til ære for Jakob Sande etter hans død, som er med i Dikt i samling. Under Kiran si leiing blei Ønskediktet eit populært program der folk frå heile landet kunne sende inn sine favorittdikt, som blei lest opp på lufta.
Om du har eit dikt som har betydd noko for deg – alvorleg, morosamt, gammalt eller nytt – er dette kvelden for å dele det med andre. Kanskje ditt favorittdikt blir lese opp av ein av deltakarane, eller kanskje du tek sjansen og les sjølv? DU er uansett hjarteleg velkomen i Løa denne kvelden.
Kvelden vert innleia av Sandra Edvardsen og Kristine Hagensen, som les dikt frå den heilt ferske samlinga "Og naustet skal stå stille i hundre år tell". Eit prosjekt kalla NORD, leia av Jane Kelly ved den Mangfaldige scenen.
Gratis inngong.
Kva skjer hos oss?
Allsong og haustpub i Løa
Hanne-Margrethe Heia Dybvik og Øyvind Rye Dybvik inviterer til allsong og haustpub i Løa i Jakob Sande-senteret. Velkomen til eit arrangement med musikk, fellesskap og god stemning.
Open bokhandel og kafè i Gamle skulehuset
Sandesenteret sin eigen bokhandel, kafé og krambu og møteplass ope laurdagar 11-14. Enkel kafè og eit utval nye bøker og ymse frå eigen produksjon.
Lansering av bok og kopp
Denne laurdagen lanserast både Anna Schmideder si bok "Gain what we lost" og Sandesenteret sin nyaste kopp skapt av Eva Meier. Begge to fortel om industrihistorie og korleis vi kan ta vare på kunnskap og forteljing.