Årsmøte i Jakob Sande-selskapet
Tysdag 24.2 vert det årsmøte i Jakob Sande-selskapet i Løa i Klokkargarden.
20.00: Ordinært årsmøte for medlemmer.
Årsmelding og rekneskap 2025, arbeidsplan og budsjett for 2026. Vidare finansiering og organisering av Jakob Sande – senter for forteljekunst og val.
Saker som skal handsamast på årsmøtet, må vere styret i hende 10 dagar før møtet.
Trude Høgseth Felde, styreleiar Jakob Sande-selskapet
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.