Vandring og markering av UNESCO-statusen med Nikka Vonen og forteljingar
Velkomen til vandring og markering av Fjordkystparken sin UNESCO-status under Forteljekunstakademiet torsdag 19. juni! Møt opp kl. 16 ved tuntreet i Klokkargarden og bli med på ei vandring med felespel, forteljingar og allsong til Brokabakkane. Kor godt kjenner vi eigentleg fjellheimen i Fjaler? Kva har UNESCO-statusen å seie for vårt område? Og kva har vandring til Østenstad med saken å gjere?
Kart over Dale teikna av Eva Meier.
Jakob Sande - senter for forteljekunst er eit episenter i Fjordkystparken. Parken har eit episenter i kvar av sine park-kommunar, som er Solund (Taklebua), Hyllestad (Kvernsteinsparken), Askvoll (Skulen i Stongfjorden), Sunnfjord (Bygstad) og Fjaler (Jakob Sande - senteret). Fjordkysten regional- og geopark blir sagt å vere ein av dei beste stadene i verda for å studere veksten og fallet til ei fjellkjede. Parken arbeider for å fremje berekraftig utvikling gjennom formidling av natur- og kulturarv, og i april fekk parken status som UNESCO Global Geopark. Dette vil vi markere og inviterer alle til ein ettermiddagstur til Brokabakkane, der du mellom anna kan høyre meir om den unike fjellheimen i Fjaler.
Program:
1600: Oppmøte ved tuntreet i Klokkargarden om du treng skyss, elles oppmøte Einehaugane.
Køyrer til Einehaugane
Vandring med felespel til Brokabakkane
1640: Forteljing på Brokabakkane, allsong og felespel.
Ord ved:
- Ordførar i Fjaler, Leif Jarle Espedal
- Rolf Kleiven i Dale il stigruppa
- Leiar i Fjordkysten regional- og geopark, Trude Søilen
- Geolog i Fjordkystparken Espen Bråstein
- Even Vie frå Sunnfjord geosenter: Om geologien i området
Turen går vidare til Østenstad før vi går samla ned att.
Bli med på ein ettermiddagstur der du kan lære meir om fjellheimen i Fjaler, om Fjordkystparken og episentera der.
Ca. 1800: Tilbake i Dale
Ta med familien og bli med å markere saman med oss!
I samarbeid med Fjordkysten regional - og geopark.
Arrangementet er gratis og ein del av Forteljekunstakademiet. Seinare same kveld kan du bli med på ein kveld i Løa, der vi deler favorittdikt – med særleg vekt på Jakob Sande sine verk. Inspirert av Hartvig Kirans NRK-program Ønskediktet, hyllar vi dikt som betyr noko for oss. Ta med ditt favorittdikt, eller kom for å lytte og bli inspirert. Alle er velkomne!
Forsidebilde: Utsnitt av formidlingskart teikna av Eva Meier.
Kva skjer hos oss?
Samlytting og sjølvportrett // Maria Drangeid i residens fortel
Maria Drangeid er i residens i Jakob Sande-senteret. Bli med når ho inviterer på onsdagslunsj i Gamle skulehuset med samlytting og forteljing.
Folk som sår i snø // Bokprat om samisk forteljekunst
«Folk som sår i snø» vart kåra til årets bok i Sverige i 2023. Møt Tina Harnesk og høyr henne reflektere over den samiske forteljekunsten som inspirasjonskjelde i den litterære skrivinga måndag 1. september kl 19 i Løa.
Grøss og gru i Klokkargarden
Det blir grøss og gru i tunet i år også. Kom i Klokkargarden fredag 31.10 til spenning, skrekk og gru.
Kva skjer hos oss?
Samlytting og sjølvportrett // Maria Drangeid i residens fortel
Maria Drangeid er i residens i Jakob Sande-senteret. Bli med når ho inviterer på onsdagslunsj i Gamle skulehuset med samlytting og forteljing.
Folk som sår i snø // Bokprat om samisk forteljekunst
«Folk som sår i snø» vart kåra til årets bok i Sverige i 2023. Møt Tina Harnesk og høyr henne reflektere over den samiske forteljekunsten som inspirasjonskjelde i den litterære skrivinga måndag 1. september kl 19 i Løa.
Grøss og gru i Klokkargarden
Det blir grøss og gru i tunet i år også. Kom i Klokkargarden fredag 31.10 til spenning, skrekk og gru.