Korleis lese saman i skulen?

Under Sandeseminaret 2025 vil høgskulelektor ved Nynorsksenteret og leseleiar Guro Kristin Gjøsdal modellere og fortelje om metoden samlesing - shared reading. 

Samlesing er ein lesemetode der ein leseleiar leier ein reflekterande og undrande samtale om leseopplevinga. Deltakarane stiller uførebudde og målet er å oppleve og undre seg over teksten saman. I samlesing legg ein vekt på frie, nyfikne og direkte opplevinga av litteratur. 

Metoden er godt eigna til å skape leselyst for både born, ungdommar og vaksne, og er eit leikent alternativ til tradisjonell litteraturanalyse og lesevurdering. Forsking på og erfaring med samlesing syner at metoden kan bidra til lærelyst og uthald.

Gjøsdal skriv om samlesing: "I LK20 er lærelyst ein del av vurderingsforskrifta. Elevar som har lærelyst, er gjerne meir uthaldande i læringsarbeidet enn elevar som manglar lærelyst. Forsking på og erfaring med samlesing meiner å kunne bidra til lærelyst og uthald. Å vere uthaldande gir over tid betre læringsresultat og ei oppleving av meistring. LK20 legg også vekt på korleis barn og unge kan kome til ei djupare forståing av seg og omverda gjennom metodar som gir glede og ei kjensle av tid og rom. Lesemetoden samlesing eignar seg innanfor område i vurdering for lærelyst og meistring, og som metode til bruk i skule- og miljøutvikling."

Økta er er ein del av Sandeseminaret 2025. Du er velkomen til å melde deg på ved å sende e-post til forteljesenteret@jakobsande.no.