Teiknekurs med Charlotte Rintler

Charlotte May Rintler er utdanna kunstnar og illustratør med over 20 års erfaring som biletkunstnar. Ho arbeider hovudsakleg med akvarell og olje, og er særleg kjend for naturalistiske motiv og stemningsfulle skildringar frå natur og kvardagsliv. Arbeida hennar har vore stilte ut fleire stader i Noreg.

Til dagleg arbeider ho som kunstlærar i kulturskulen i HAF, der ho underviser barn og unge i kunst og kreative fag. Gjennom mange år har ho halde kurs og verkstader for både vaksne og barn, med fokus på skaparglede, observasjon og handverk. Ho har også gitt ut aktivitetsbok for barn i samarbeid med Barnas Turlag, og laga kunstverk til teater-, film- og TV-produksjonar.

I sommar held Charlotte ein dags teikneverkstad ved Nikka Vonens pikeskole på Steia Gard, eit historisk og stemningsfullt miljø som gir perfekte rammer for å arbeide med observasjon og teikning. 

Med blyant og blekk utforskar vi dei gamle trehusa, detaljane i arkitekturen og stemninga på staden. Deltakarane får prøve enkle teknikkar som skuggelegging, tekstur og komposisjon, og arbeide seg fram mot ei lita samling skisser som kvar fortel si historie.

Kurset legg vekt på ro, observasjon og skaparglede, og passar for både barn og vaksne, uansett erfaring. 

Vi arbeider hovudsakleg ute i det fri. Ta gjerne med sitteunderlag eller piknikstol. Kurset vert inne dersom veret vert dårleg. 

Alt av verktøy og materialar får du på kurset. Men ta med matpakke og drikke.

Kurset har avgrensa plassar.