Søker etterforskarar: Haustmysterium i Klokkargarden!
Sandesenteret og Fjaler folkebibliotek treng hjelp frå alle unge etterforskarar i haustferien.
Vesle Daniel skal ut i verda, og gjer kista klar i denne stund. Men noko er gale...
Tinga han hadde pakka i kista - reisenista, pengane, salmeboka og skilderiet frå Mari - er forsvunne. Og kor er eigentleg Daniel blitt av?
Snart legg skipet frå kai, og då må Vesle Daniel vere om bord.
Klarer du å følge spora og finne ut kva som har skjedd før det er for seint?
Møt opp i Gamle skulehuset og start etterforskinga.
Etterforskinga pågår tysdag 7.10 og torsdag 9.10 frå kl. 11-16.
P.S: Kom i lag med ein som kan lese.
Premie til alle som deltek.
Kva skjer hos oss?
Færøysk poesi i omsetjing
Jógvan Helge Gardar er i residens i Sandesenteret. På laurdag møter du Gardar i skulehuset der han les dikt han har omsett frå færøysk til nynorsk og serverer bingokaker!
Ceilidh på Samvirket
Markering av fødedagen til Robert Burns, Skottlands nasjonaldiktar, med ein ceilidh, ein tradisjonell skotsk festkveld med musikk, dans, allsong og sosialt samvær på Samvirket.
Sandeseminaret 2026: Forteljekunst i skule, arbeid og liv
I 2026 inviterer vi aktørar frå skule, arbeidsliv, kunst og kultur til eit fagleg seminar om forteljekunst i skule arbeidsliv og liv. Ei av satsingane våre er eit eige programfag om forteljekunst i vidaregåande skule. På seminaret vil vi drøfte og utforske behovet og vilkåra for forteljing og forteljekunst i skule, arbeidsliv og liv, gjennom foredrag, panelsamtalar, dialog og forteljekunst.