Opning og ord ved Leif Jarle Espedal
Som opning av sommarsesongen og årets forteljekunstakademi vil ordførar i Fjaler, Leif Jarle Espedal, fortelje ved Nikka Vonens minnestøtte og Jakob Sandes æresstøtte.
Jakob Sandes æresstøtte og Nikka Vonens minnestøtte.
Arven etter Jakob Sande og Nikka Vonen er av stor betydning for Fjaler kommune. Ein kan dra klare linjer mellom Nikkas pensjonatskule for jenter i 1869-1907, den sterke skulehistoria i kommunen og dagens internasjonale United World College i Flekke. Sandesenteret byggjer verksemda si på arven etter Jakob Sande og arbeider for å løfte fram eit mangfald av nye stemmer, inspirert av diktinga hans og kulturmiljøet rundt både Jakob og Nikka. Kulturmiljøa etter dei to er framleis levande og kan gje rom for både danning og utvikling.
På veg frå Nikka til Jakob.
Kl. 13: Ord ved Nikka Vonens minnestøtte
Vandring til Jakob Sandes æresstøtte
kl. 13.20: Ord ved Jakob Sandes æresstøtte ved ordførar Leif Jarle Espedal
Ope for alle. Før opninga er det kurs i verselesing med Idun og Rolf Losnegård på Steia Gard. Etter ord ved støttene kan du bli med vidare i akademiprogrammet.
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Helma og Edith – eit kontrafaktisk møte
Ena Johanna Rathgeb er i residens ved Sandesenteret og inviterer til ein presentasjon av sitt pågåande kunstnariske prosjekt. Prosjektet utforskar kunst, arbeid og kvinner som levde og handla i skuggen av kunstnar Kurt Schwitters.
Stille bokklubb
Ta med deg ei bok og les åleine saman med andre. Velkomen til vår stille bokklubb i gamle skulehuset i Sandesenteret.