Menneska rundt bålet – ein prolog til feiringa av Jonsok ved Demian Vitanza
Bålet har vore den viktigaste samlingsplassen gjennom heile mennesket si historie. Var du klar over at både hjernen og døgnrytmen vår har tilpassa seg elden, og at dette heng saman med trongen vår til å dele historier? Og visste du at dagens eldsritual, som å tenne julelys eller jonsokbål, har røter heilt tilbake til bronsealderen?
Frå den gongen folk samla seg rundt leirbålet til vår digitale tidsalder, har forteljekunsten vore ein gjennomgripande del av liva våre. Forteljing er grunnleggande for alle menneske, sektorar og samfunn, og ein vesentleg del av den immaterielle kulturarven i Noreg. Demian held føredrag om mennesket sitt forhold til elden, og kvifor den er så viktig for forteljekunsten.
Etter føredraget vert det tradisjonell jonsokfeiring i Klokkargarden.
Demian Vitanza (f. 1983) er forfattar og dramatikar. Han debuterte i 2011 med den kritikarroste romanen urak og har sidan gitt ut romanane Sub rosa (2014) og Dette livet eller det neste (2017) samt skodespela Londinium (2012) og Tyngde (2018). Vitanza har mange års erfaring med både skrivekurs og føredrag, særleg for ungdomsskular og vidaregåande skular, men også for barnehagar, fengsel og vaksne.
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Færøykveld i Løa
Gjennom ord, bilete, song, færøydans og smakar får vi kome tett på kulturen og samfunnslivet på Færøyane. Karin Flatøy Svarstad deler historier frå øyane i vest, og saman med dottera og familien til musikaren Hanus G. Johansen blir det ein kveld med færøyske tradisjonar og ein musikalsk hyllest til ein artist som hadde sterke band til Fjaler og Jakob Sande.
Laurdagsope i skulehuset
Gamle skulehuset som møteplass, krambu og bokhandel held ope kvar laurdag. Her er eit rikt utval frå varer frå eigen produksjon og aktuell litteratur, samt enkel kafè.