Lansering av Jaja på papir: Kropp og forteljing

OPE FOR FØREHANDSTINGING! LANSERING 14.08.26!

Vel møtt til lansering 14. august kl. 19 på Fest i Fjaler!

Forteljinga om livet byrjar med kropp, og slik sluttar ho òg. 

I essayet 'Frå vogge til grav' spør forfattar og historikar Aina Basso  om kjenslene kring å føde og elske borna sine har endra seg med vilkåra for fødslar og morskap. Essayet finn du i Kropp og forteljing 2/26, illustrert av Eva Meier. 

Forfattar, dramatikar og dramaturg Rolf Losnegård sitt bidrag har vi kalla ei rasande lyrisk novelle. Med den fantastiske tittelen 'Kvelte viser frå ein mann som går sin båregang' rasar Losnegård mot livets slutt.

Rolf framfører novella, Aina les Jakob Sande-diktet 'Budeia', og vi byr på ein bete, ein slurk og nytrykte tidsskrift. 

Gratis inngang!

Teikn abonnement her og få utgåva i postkassen.

Om utgåva:

«Fuck an app, I need me some IRL», syng Robyn. Det er frå vår pustande, luktande, dunkande, døyande kropp vi skriv, fortel, lyttar og lever. Med kunstig intelligens kan ein rive tekstar laus frå kroppar, men uansett byrjar forteljinga om livet med kropp og slik sluttar ho òg, IRL. 

I denne papirutgåva av Jaja handlar det om kropp og forteljingar. 

Vi har forløyst eit kull av forteljingar knytte til det kroppslege: å føde, ete, drikke, puste, sove, arbeide, elske og døy, om å vere kropp, skiljast frå kropp og kjempe med kropp, og om kroppar i litteratur og forteljekunst.

For er det ikkje eit teikn i tida å vere både besett av kropp og framand for det kroppslege?

Vel møtt til lansering 14. august kl. 19 på Fest i Fjaler!

Bidragsytarar:

Kjartan Hatløy, Johanne Magnus, Aina Basso, Hilde Østby, Kristine Brusdal, Ingrid Thunem, Rakeb Erana, Marius Moldvær, Dubie Toa-Kwapong, Robin Van de Walle, Siri Helle, Agnetha Thormodsdatter, Janne Karin Støylen, Anders M. Gullestad, Ramona Sarăc, Rolf Losnegård, Marita Algrøy, Fredrik Vågenes, Katrine Sele, Åshild Kanstad Johnsen (ill.), Eva Meier (ill.), Jannik Abel (foto), Fredrik Rysjedal (framside og ill.), Maria Astrup (design), Åsne Hagen og Siri Ingvaldsen (korrektur), Tora Hope (red.).

Om Jaja:

Jaja er kulturtidsskriftet frå bygda, om forteljekunst, forteljingar og språk. Utgivar er Jakob Sande - senter for forteljekunst. 

Du kan òg lese våre digitale utgåver gratis på tidsskriftetjaja.no.

Foto: David Zadig/Oda Berby