Kurs i improvisasjon – å finne historia her og no
Kurs i improvisasjon med Veslemøy Mørkrid. Kurset handlar om å finne historia her og no. Deltakarane vil lære teknikkar som handlar om å vere komfortabel med å feile, ta konkrete val, seie ja og byggje vidare på vala ein har tatt. Kursdeltakarane vil også få arbeide med enkle dramaturgiske strukturar for å skape ei heilskapleg forteljing i augneblinken.
Foto: Anne Valeur
Veslemøy Evenstad Mørkrid (fødd 1982) er ein norsk skodespelar og improvisatør med lang erfaring frå scene, lerret og TV. Ho er utdanna ved Nordisk Institutt for Scene og Studio og International Theatre New York, og vart noregsmeister i Teatersport i 2008. Veslemøy er medlem av Teater Liksom og ensemblet på Det Andre Teatret.
Ho har drive med improvisasjon sidan tidleg på 2000-talet og har både nasjonal og internasjonal erfaring. Veslemøy er kjent for sitt kreative driv, har initiert ei rekke unike framsyningar og format, og jobbar òg med regi. Ho kombinerer kunstnarleg talent med ei leiken tilnærming og er ei sentral figur i improvisasjonsmiljøet.
Kurset har avgrensa plassar. Meld deg ved å kjøpe billett til heile akademiet eller kurset åleine via Ticketco.
Har du spørsmål? Ta kontakt på rakel@jakobsande.no
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Færøykveld i Løa
Gjennom ord, bilete, song, færøydans og smakar får vi kome tett på kulturen og samfunnslivet på Færøyane. Karin Flatøy Svarstad deler historier frå øyane i vest, og saman med dottera og familien til musikaren Hanus G. Johansen blir det ein kveld med færøyske tradisjonar og ein musikalsk hyllest til ein artist som hadde sterke band til Fjaler og Jakob Sande.
Laurdagsope i skulehuset
Gamle skulehuset som møteplass, krambu og bokhandel held ope kvar laurdag. Her er eit rikt utval frå varer frå eigen produksjon og aktuell litteratur, samt enkel kafè.