Jaja LIVE med Kjartan Hatløy på Boknatta 2026
På Boknatta i Fjærland kjem Tidsskriftet Jaja med smakebitar frå komande papirutgåve.
På Fest i Fjaler lanserer vi ny papirutgåve av Jakob Sande - senter for forteljekunst sitt Tidsskriftet Jaja. På Boknatta får du smakebitar frå komande utgåve, med poet Kjartan Hatløy. Foto: Oddleiv Apneseth
Jaja er eit tidsskrift om og med forteljekunst frå Jakob Sande - senter for forteljekunst, som skal få fram meir allsidige forteljingar frå bygd og by.
Tema for neste nummer er kropp og forteljing, og på Boknatta får publikum prøvesmaka når poet Kjartan Hatløy les nyskrivne dikt frå utgåva. Hatløy vil òg lese frå si seinaste diktsamling Mot kaos (Forlaget Oktober).
Utgåva blir lansert på Fest i Fjaler 14.-16. august.
Teikn abonnement her og få nummeret i posten.
Konferansier: Redaktør for Tidsskriftet Jaja, Tora Hope
Stad: Litteraturbåten Epos i Fjærland
Inngang: Festivalpass til Boknatta 2026
Kva skjer hos oss?
Open bokhandel og krambu i Gamle skulehuset
Sandesenteret sin eigen bokhandel, krambu og møteplass ope laurdagar 11-14. Enkel kafè og eit utval nye bøker og ymse frå eigen produksjon.
Sommarakademi i munnleg og skriftleg forteljekunst
Sommarakademiet er for alle som ønskjer utvikle evnene sine til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.
Fest i Fjaler 2026
Set av helga 14.-16. august 2026. Då vert det atter ein gong Fest i Fjaler.