Hannah Arendt – ein politisk tenkar. Ein samtale mellom Arild Linneberg og Janne Sund
Hannah Arendt sine tankar om fridom, ansvar og demokrati er meir aktuelle enn nokon gong. Arild Linneberg og Janne Sund samtalar om livet, verka og arven etter ei av det 20. hundreårets viktigaste politiske tenkarar.
Hannah Arendt, Arild Linneberg og Janne Sund
Hannah Arendt (1906–1975) måtte flykte frå Nazi-Tyskland under dramatiske omstende. I årevis levde ho som statslaus flyktning. Eit av hennar hovudverk var Totalitarismens opprinnelse (1951), om totalitære statar, imperialisme, antisemittisme og rasisme. Eichmann i Jerusalem handlar om jødeutryddelsen og «ondskapens banalitet». Som jøde var ho dessutan kritisk til staten Israel og sionismen. I 1959 vart ho den første kvinnelege professor ved Princeton University i USA og reknast som ein av dei viktigaste politiske filosofane i nyare tid.
Samtalen vil handle om hovudtema hos Arendt som er svært aktuelle: Personleg fridom, politisk ansvar, demokrati og humanisme, samt forholdet til ein anna kvinneleg pioner, Rosa Luxemburg.
Arild Linneberg, professor emeritus i litteratur, og Janne Sund, filosof, er forfattarar og
omsetjarar, og har omsett to av Arendt sine hovudverk til norsk. Dei er busett på Atløy.
Gunnstein Akselberg introduserer samtalen.
Billett via Ticketco og i døra.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.