Hagekafè på Steia Gard
Nikka Vonen venelag og sommarvertane i Sandesenteret inviterer til hagekafè på Steia Gard, staden der folkeminnesamlar og skuletyrar Nikka Vonen dreiv sin pikeskole frå 1871-1907.
Nokre sundagar i sommar inviterer det nystifta Nikka Vonen venelag og Jakob Sande-senter for forteljekunst til hagekafè på Steia Gard, staden der Nikka Vonen dreiv sin vidgjetne pikeskole og mønsterbruk. Nyt ein kopp kaffi og kaker medan du lærer meir om Nikka og skulen hennar i historiske omgjevnadar med stort utviklingspotensiale.
Du kan møte direkte på Steia Gard eller slå følge med våre sommarvertar bort og få høyre meir om Nikka Vonen på vegen dit. Oppmøte ved Gamle skulehuset kl. 12.30.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.