Foredrag med Ben Ward — draumen om eit enklare og meir komplisert liv
Korleis går ein frå storbyliv i London til eit veglaust småbruk i Sogn? I dette foredraget deler Ben Ward historia om draumen som lokka han til fjells, utfordringane som møtte han, og korleis livet på Kroken formar både garden og han sjølv.
Foto: Leif Erik Kleppen Salto film og fjernsyn
Kjent frå NRK-serien Der ingen skulle tru at nokon kunne bu, har Benjamin Ward gjort sterkt inntrykk på publikum med forteljingane om livet på godt og vondt og gjenreisinga av fjellgarden Kroken i Luster. I foredraget deler han historia om korleis han forlot London for å skape eit nytt liv på ein veglaus gard i Sogn, ein draum som kom med store utfordringar og oppdagingar. Ward trudde han skulle setje garden i stand, men oppdaga at det var han sjølv som måtte byggjast opp att. I dag står Kroken som eit døme på kva som kan skje når ein held fast ved draumen, sjølv når motstanden er stor.
Foredraget er i Løa og vert på engelsk.
Etter foredraget kan du sikre deg ei signert utgåve av boka om fjellgarden Kroken, som Ward kom ut med i 2025.
Billettar på Ticketco: https://senterforforteljekunst.ticketco.events/no/nb/e/foredrag_med_ben_ward__draumen_om_eit_enklare_og_meir_komplisert_liv
Arrangementet er i samarbeid med Folkeakademiet.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.