Arbeidsvisning av Navigatøren
Velkomen til Samvirket og arbeidsvisning av Navigatøren laurdag 9. mai kl. 19.
Prøvevisning av NAVIGATØREN
Scenekunstnar, skodespelar og dansar Alicja Ziolko (Oslo) og scenekunstar, regissør og dramaturg Héctor del Río (Mexico/Sverige) er i arbeidsresidens ved Jakob Sande-senter for forteljekunst og Preform, der dei utviklar prosjektet Navigatøren.
Nokre menneske forlet oss ikkje heilt.
Dei etterlet bevegelsar, måtar å lytte på, spor i kroppen. Fragment, brev, objekt, instruksjonar, som kanskje først gir meining seinare.
Navigatøren er eit arbeid i utvikling, ei undersøking av kva som vert igjen, og korleis noko kan halde fram å snakke, gjennom tid, gjennom materiale, gjennom andre.
Gjennom samarbeidet mellom Sandesenteret og PreForm får dei utvikle prosjektet både i Klokkargarden og i PreForm sine lokale i Samvirket.
Laurdag 9. mai kl. 19 inviterer Alicja og Hector til opa prøve på Samvirket i Dale.
Der deler dei utdrag og fragment av tekst, bevegelse, lyd og bilete, i ein prosess som framleis er i rørsle.
Gratis inngong. Enkel servering.
Bruk inngongen på baksida.
Arrangement av PreForm og Jakob Sande-senter for forteljekunst.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.