Vekas dikt: Til Margaret

TIL MARGARET -

Lat dagen dimmest og i vester kvelde,

lat sola sige over isa sund,

og merke alt av liv med år og elde:

eg veit du kjem, du kjem ei morgonstund.

Du kjem og vekkjer meg ved livsens kjelde,

eg ser deg når eg vaknar av min blund,

og trygt mot natta skal vi saman tjelde

innunder palmene i Sela lund.

Eg ser oss vandre i dei stille hagar

alt medan minna frå dei vonde dagar

kverv bort i rømda som ei skoddesky.

Og framfor oss ligg lange, ljose lende

der dagen aldri bleiknar og tar ende,

- kvar morgon vekkjer oss på ny, på ny. 

J.S.