Vekas dikt: GJENTA

GJENTA

Og gjenta ho kjøpte seg

spennor og stas,

og ringar meir perlor

av farga glas.

– Men ikkje vart gjenta gift. –

So greidde ho håret

med kost og med kamb,

til dess det vart krulla

som ull på eit lamb.

– Men gjenta vart ikkje gift. – 

So tok ho ein sviptur

til næraste by,

og sytte seg skjørt

utav kjøpety.

- Men ikkje vart gjenta gift. –

Og gjenta stal pungen

frå husbonden sin,

og kosta seg halsklut

av røysekattskinn.

– Men ikkje vart gjenta gift. –

Då vart ho so arg

at ho fræste som krut,

og flakte so av seg

kvar einaste klut,

– men då vart gjenta gift . . . . 

Jakob Sande, frå samlinga Svarte næter, 1929.