Vekas dikt
Denne vekas dikt er "TRALL – ", henta frå samlinga Det kveldar på Kobbeskjer.
TRALL –
Her er vi fri fiendane
her kan vi fritt oss snu.
Bukta og begge endane
har både eg og du.
Her kan vi drøyme draumane
– hestane står på to!
Her kan vi tøyme taumane
– hestane fell til ro.
Her kan vi høyre prestane
minst i to-tri anneks,
danse på sokkelestane,
– danse i gras som veks.
Her kan vi hauke haukane
langt ut i kvelden still,
vente på svar frå gaukane
– tolke dei som vi vil.
Her kan vi telje ternene
– terna og ternemann,
her kan vi telje stjernene
– telje so langt vi kan.
Her kan vi tralle trallane
her er det svar å få,
svar i frå tussekallane
langt inni berget blå.
Jakob Sande.
Aktuelt fra Jakob Sande-senteret
Vekas dikt: «Haust»
I 1936, som trettiåring, gav Jakob Sande ut si fjerde diktsamling, Villskog. I år er det 90 år sidan utgjevinga. «Haust» er eit av dikta i samlinga og er denne vekas dikt.
I residens
Denne veka er Wenche O. Gressnes og Mona Høydahl frå Harstad i residens i Dale. Her utforskar dei munnleg forteljing og ulike måtar å hente fram og formidle kvardags- og livsforteljingar på.
Skrivekurs for nye stemmer
På Forteljekunstakademiet inviterte Tekstallianse og Sandesenteret til kurs for skrivande med norsk som andrespråk.