Unge formidlarar i Fjordkystparken
Unge sommarvertar får no opplæring i å formidle kystkultur og lokal historie på ein levande og personleg måte. Gjennom stemmebruk, øving i forteljeteknikkar og manus, skal dei bidra til å føre vidare den immaterielle kulturarven frå regionen.
Formidlingskart frå dei ulike kommunane i Fjordkystparken. Teikna av Eva Meier.
Unge sommarvertar frå ulike delar av landet får no høve til å lære kunsten å formidle lokal natur- og kulturarv i Jakob Sande - senter for forteljekunst. Gjennom å utvikle si stemme og bli trygg i formidlarrolla, blir dei inspirerte til å føre vidare vår region sin immaterielle arv.
Gjennom praktiske økter vil forteljar og skodespelar Kjetil S. Stavenes lære deltakarane å bruke stemma, kroppsspråket og forteljekunsten for å formidle levande kystkultur, landskap og historie på ein personleg og trygg måte. Målet er å gjere ungdom rusta til å formidle eigen kulturarv til både sambygdingar og tilreisande.
På denne læringsverkstaden møter ungdommane skodespelar og forteljar Kjetil S. Stavenes, lærar og dagleg leiar i Jakob Sande - senter for forteljekunst, Rakel C. W. Solheim og kulturformidlar og arenaansvarleg i Jakob Sande - senter for forteljekunst, Margrete Reisæter.
Formidlingsprosjektet er ein del av prosjektet Ung formidling av lokal natur- og kulturarv, i samarbeid med Fjordkysten regional- og geopark og med støtte frå Den norske UNESCO-kommisjonen. Prosjektet byggjer på UNESCO sine verdiar om berekraft, kulturvern og utdanning, og gir unge både reell medverknad og ansvar. Gjennom opplevingar, samarbeid og kreativ opplæring vil deltakarane lære å ta vare på, og gi vidare. forteljingane om det som gjer vår region.
Aktuelt fra Jakob Sande-senteret
Til lukke med arbeidarane sin internasjonale kampdag
1. mai er arbeidarane sin kampdag, der krav om rettferd og betre arbeidsvilkår blir løfta fram. I diktet "Til den norske landarbeider" oppmodar Jakob Sande arbeidaren til å reise seg, knyte nevane og slutte seg til kampen, og gå saman under ei felles fane.
Les elevane sin rapport frå Bygningsverndagen 2026
Alle sjuandeklassingar i Fjaler og Hyllestad var invitert til Steia gard til Bygningsverndag 21. april. Der deltok elevane i tradisjonshandverk som sløyd, smie, steinarbeid, lafting og gartnararbeid i det rike kulturhistoriske miljøet. Jakob Sande - senter for forteljekunst, Nikka Vonen venelag, Skogselskapet og Kvernsteinsparken stod bak arrangementet. Skrivegruppa fekk prøve seg som både diktarar og journalistar. Med forteljingane om jentene som gjekk på Nikka Vonens pigeskole ferskt i minne, dikta dei fram brev og dagboknotatar frå ein morgon på Steia gard. Dei skreiv også frå ting som var tause forteljarar og fann på historier. Deretter prøvde dei seg som journalistar, og måtte sjå, høyre og spørje for å finne fram til fakta. Her kan du lese journalistane sin rapport frå dagen:
Vekas dikt: KLEPPE-MARET
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting. Kvar veke deler vi eit dikt som passar til temaet. Denne vekas dikt er Kleppe-Maret.