OPA UTLYSING: Vil du skrive for Tidsskriftet Jaja?
Tidsskriftet Jaja søker bidrag til utgåve #4 med tema: VERDA SLIK VI KJENNER HO.
Tidsskriftet Jaja er eit tidsskrift om og med forteljekunst, som skal få fram meir allsidige forteljingar frå bygd og by.
Vi tek imot bidrag i alle sjangrar, frå dikt, noveller, essay, fagartiklar og intervju, til munnlege og visuelle format, eller noko heilt nytt vi ikkje har høyrt om endå!
Kva kjenneteikner verda slik du kjenner ho? Kva vil du ikkje miste? Kva vil du endre? Kva står på spel? Vi ynskjer særleg bidrag frå bygdeperspektiv, men er opne for alle slags innfallsvinklar (og hugs at bygd finn du også i by).
Vi inviterer både deg som er heilt fersk og deg som allereie skriv mykje, til å sende inn bidrag med utgangspunkt i temaet til tidsskriftetjaja@gmail.com innan 1. april 2025.
Bidrag som blir valt ut til publisering på tidsskriftetjaja.no vert handsama redaksjonelt og honorerte.
Aktuelt fra Jakob Sande-senteret
Sandesenteret lanserer Forteljeduken
Forteljeduken er ein ny, vevd duk med motiv av illustratør Eva Meier, produsert ved det tradisjonsrike Ekelund veveri. Inspirert av liv, arbeid og forteljingar langs Dalsfjorden inviterer duken til samtale og glede rundt bordet.
Sandesenteret får støtte til å utbetre uteområdet ved Løa
Sandesenteret får støtte frå Huset i Bygda og kulturminnemidlar frå Fjaler kommune til å utbetre uteområdet ved Løa. Midlane gjer det mogleg å betre tilkomsten, gjere området universelt utforma og endå meir tilgjengeleg for alle, både dei som leiger huset, deltek på arrangement og brukar uteområdet til skule eller fritid.
I residens
Jógvan Helge Gardar er årets første i residensen. Under opphaldet skriv han på ein eigen roman i tillegg til å omsetje færøysk poesi til nynorsk.