Satsar på dei unge i ny musikal
Alle kulturskuleelevane på dans, teater og musikk i Kulturskulen i Fjaler er i full sving med å øve inn musikalen "Ein draumefabel", som Jakob Sande - senter for forteljekunst har skrive manus til. Musikalen har premiere 13. juni på Samvirket scene.
Ein draumefabel er skrive av Marie Longva Danielsen og Jon Werede Hope for Jakob Sande - senter for forteljekunst.
Marie Longva Danielsen er skodespelar og dramatikar frå Sunnmøre, og har saman med skodespelar, dansar og instruktør Jon Werede Hope frå Fjaler, arbeidd med manus til musikalen gjennom vinteren. Saman har dei skapt eit manus som inkluderer alle små og store roller og rom tilpassa elevane i kulturskulen. Dei skildrar scener frå eit ungdomsliv der hovudkarakterane tek val om vegen vidare. Alt føregår i ein Sunnfjordsk landskap.
Medverkande: Kulturskuleelevar på dans, teater og musikk
Stad: Samvirket i Fjaler
Tid: 13.juni
Framsyning 1 klokka 17.00
Framsyning 2 klokka 19.00
Det er gratis inngong, men du må tinge billett via lenkja under.
Plakat av Charlotte Rintler og elevar frå Kulturskulen i Fjaler på visuell kunst.
Arrangør: Kulturskulen i HAF og Jakob Sande - senter for forteljekunst
Aktuelt fra Jakob Sande-senteret
Aftenlandet kjem til Fest i Fjaler
Aftenlandet kjem til Fest i Fjaler laurdag 15. august med melodisk visepop, nynorske tekstar av Jakob Sande og kjende låtar som «Du», «Hymne» og «Morgon i mai».
Vekas dikt: Stubb
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting og deler eit nytt dikt kvar veke. Denne vekas dikt er "Stubb".
Aina Basso held det første Sandeføredraget
I 2026 er det 120 år sidan Jakob Sande var fødd. I høve jubileet skipar vi ein ny tradisjon, og inviterer ein framifrå formidlar til å halde det første Sandeføredraget.