Sandesenteret får støtte til å utbetre uteområdet ved Løa
Sandesenteret får støtte frå Huset i Bygda og kulturminnemidlar frå Fjaler kommune til å utbetre uteområdet ved Løa. Midlane gjer det mogleg å betre tilkomsten, gjere området universelt utforma og endå meir tilgjengeleg for alle, både dei som leiger huset, deltek på arrangement og brukar uteområdet til skule eller fritid.
Løa kan brukast til så mangt, det gjeld også uteområdet.
Huset i Bygda og kulturminnemidlar frå Fjaler kommune gjer det mogleg å betre tilkomsten til Løa i Jakob Sande-senter for forteljekunst.
Løa er folket sitt hus og blir brukt til alt frå bryllaup, konfirmasjonar, andre merkedagar, arrangement, konsertar, kafe og pub, med mykje meir.
Med støtta kan vi no, så fort frosten er vekke, starte arbeide med å betre tilkomsten til huset. I planane ligg mellom anna drenering, legging av skiferheller på heile sørsida og universell utforming.
Uteområdet rundt Løa er mykje i bruk, mellom anna av barnehagar, klassar på uteskule og SFO, til treningsøkter, i tillegg til av bruk under Teaterfestivalen i Fjaler, under Sandesenteret sine eigne arrangement og i andre samankomstar.
Vi ser fram til å gjere huset enno meir tilgjengeleg for alle og takkar varmt for gåva.
Aktuelt fra Jakob Sande-senteret
Paula Elena Ramos – Artist in Residence
For the next three weeks, Paula Elena Ramos from Spain will be in residence at Jakob Sande's childhood home, here at the Sande centre.
Søk residensopphald for 2027 innan 1. november
Søknadsfristen for residensopphald i barndomsheimen til Jakob Sande i 2027 er 1. november. Studentar blir særskilt oppmoda om å søke.
Er du vår nye vert og pedagog?
Jakob Sande-senter for forteljekunst har ledig stilling som museumsvert og pedagog frå 1. januar 2027. Søknadsfrist 8. november.