Rekordmange vil på residensopphald i Sandesenteret
Aldri før har så mange søkt om opphald i residensen. Blant søkjarane er både nye og etablerte namn innan litteratur, forteljekunst, scenekunst, visuell kunst og musikk. – Det ligg an til å bli eit rikt år. Interessa viser at residensen har blitt ein attraktiv møteplass for kunstnarleg arbeid, seier dagleg leiar Rakel C.W. Solheim.
...bygda søv ikkje i 2026.
Søknadsfristen for opphald i 2026 gjekk ut 1. november. No har arbeidet med å plukke ut kandidatar til opphald starta.
Det er ei eiga nemnd som arbeider for å studere søknadane og ta eit utval. Nemnda vektlegg mangfald, variasjon og ulike tilnærmingar til forteljekunst blant søkarane. Det er utruleg kjekt å sjå alle dei spennande og varierte søknadane til residensen, uttrykkjer nemnda under det første møte i tildelinga.
Sandesenteret samarbeider mellom anna med PreForm sine lokale i Samvirket med scenerom og lydstudio.
Søkarane kan vente svar innan dei kommande dagane og vekene.
Aktuelt fra Jakob Sande-senteret
Til lukke med arbeidarane sin internasjonale kampdag
1. mai er arbeidarane sin kampdag, der krav om rettferd og betre arbeidsvilkår blir løfta fram. I diktet "Til den norske landarbeider" oppmodar Jakob Sande arbeidaren til å reise seg, knyte nevane og slutte seg til kampen, og gå saman under ei felles fane.
Les elevane sin rapport frå Bygningsverndagen 2026
Alle sjuandeklassingar i Fjaler og Hyllestad var invitert til Steia gard til Bygningsverndag 21. april. Der deltok elevane i tradisjonshandverk som sløyd, smie, steinarbeid, lafting og gartnararbeid i det rike kulturhistoriske miljøet. Jakob Sande - senter for forteljekunst, Nikka Vonen venelag, Skogselskapet og Kvernsteinsparken stod bak arrangementet. Skrivegruppa fekk prøve seg som både diktarar og journalistar. Med forteljingane om jentene som gjekk på Nikka Vonens pigeskole ferskt i minne, dikta dei fram brev og dagboknotatar frå ein morgon på Steia gard. Dei skreiv også frå ting som var tause forteljarar og fann på historier. Deretter prøvde dei seg som journalistar, og måtte sjå, høyre og spørje for å finne fram til fakta. Her kan du lese journalistane sin rapport frå dagen:
Vekas dikt: KLEPPE-MARET
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting. Kvar veke deler vi eit dikt som passar til temaet. Denne vekas dikt er Kleppe-Maret.