Utgåve #3 av Tidsskriftet Jaja

Jaja skal vere eit rom for å utforske kva ei forteljing er og kan vere, og bidra til fleire og meir allsidige forteljingar om kven vi er, med mål om å få fram nye forteljingar og røyster.

Den tredje og førebels siste utgåva av Tidsskriftet Jaja vart lansert i november 2024, og har tema "Kven trur du at du er?". Les på tidsskriftetjaja.no.

Utgåva handlar om dei forteljingane vi omgir oss med, medvite og umedvite, som enkeltpersonar og samfunn. Vi menneske fortel heile tida, i indre dialog, i draume, i samtalar, på mobilen, i klasserommet, på Dagsnytt 18, i forskingsrapportar, romanar, noveller, dikt og rundt bålpanna. Ved å fortelje skapar vi meining av livserfaringane våre. Samstundes set vi både i scene og avslører noko om kven vi trur vi er, som individ og fellesskap. Bidraga til utgåva blir publiserte frå november 24 til februar 25.

Bidragsytarar i utgåva er:

Dorrit Vignes
Siri Helle
Terje Lyngstad
Madina Darwazi
E.V. Crowe
Eliot Losnegard
Dubie T. Kwapong
Andrea Rygg Nøttveit
Brynjulf Jung Tjønn
Heidi Hattestein
Jan Grue
Torkel Eikevik
Tora Hope

Tidlegare utgåver av Tidsskriftet Jaja er:

Redaksjonsrådet til Tidsskriftet Jaja

Redaksjonsrådet bidreg til utviklinga av Jaja, og er eit rådgivande organ for redaktør.

For 2025-2027 sit desse i rådet:

Siri Helle
Gunnstein Akselberg
Dubie Toa-Kwapong
Heidi Hattestein
Sivert Nesbø
Brynjulf Jung Tjønn
Katrine Sele
Anne Arnesen Mørch

Tora Hope er redaktør.

Aktuelt fra Jakob Sande-senteret

Kjersti Wøien Håland er årets festdiktar

Med skarpt blikk, leikande språk og stor kjensle for det som rører seg i unge liv, har Kjersti Wøien Håland markert seg som ei viktig røyst i norsk litteratur. Ho skriv på nynorsk og løftar fram erfaringar frå distriktsungdom og unge vaksne – ofte med humor, alvor og ei særegen evne til å røre lesaren. No er ho årets festdiktar under Fest i Fjaler.

Jakob Sande - senter for forteljekunst 5 år

Sandesenteret feirar fem år som Noregs første forteljekunstsenter under Fest i Fjaler 08.-10. august. Sidan opninga i 2020 har senteret etablert seg som ein sentral aktør innan forteljekunst og nynorsk kulturformidling. Under Fest i Fjaler markerer vi jubileet med eit variert program som spenner frå prisutdeling og tidsskriftlansering til samtalar, urframføringar, musikk, dans og forteljingar. Bli med på feiringa!

Pedro er årets akademi-filosof

Pedro Vincent Dias Bergheim, stipendiat i pedagogisk filosofi ved Universitetet i Bergen, er årets akademi-filosof under Forteljekunstakademiet i Fjaler 18. - 20. juni. Med ein solid bakgrunn innan filosofi frå Universitet i Frankrike, Brasil og Portugal, kombinert med erfaring som lektor i filosofi og fransk, er Bergheim ein sentral bidragsytar til årets program. Gjennom foredrag og filosofisk kafé vil Bergheim utforske spørsmål om danning, refleksjon og kva det betyr å finne ro i ei hektisk verd. Han bidreg òg med kunstnarisk innslag under Jonsokfeiringa fredag kveld.