Mieko danser til Fjaler
Mariko Miyata-Jancey kjem til Fest i Fjaler med eit barneprogram basert på den prisvinnande biletboka Mieko danser. Gjennom forteljing, rørsle og samtale møter borna Mieko, som elskar å danse og som utfordrar forventningar til kjønn og identitet.
Mieko danser er rikt illustrert av Skinkeape/Marianne Gretteberg Engedal
Mieko elskar å danse! Særleg når ho får bruke shorts og T-skjorte i staden for den dustete strømpebuksa og den trange drakta. Aldri før har Mieko spunne så fort eller hoppa så høgt! Men kvifor blir Mieko plassert på hopp-gruppa? Der er det jo berre gutar! Mieko danser er dansar og koreograf Mariko Miyata-Jancey si første bok. I år er Mariko også aktuell med den andre boka om Mieko, Mieko på dansecamp.
Biletboka er illustrert av Skinkeape/Marianne Gretteberg Engedal og vann Kulturdepartementets bildebokpris for 2024. I 2025 ga ho også ut boka Hanna og Hani, om klimaangst, vennskap og identitet.
Mariko Miyata-Jancey (f. 1989) er dansar og koreograf, og har lang erfaring med formidling og framsyningar retta mot barn og unge. Miyata-Jancey har ein master i koreografi frå KHiO og ein master i barne- og ungdomslitterær skrivekunst og formidling ved NBI.
Mariko kjem til Fest i Fjaler med eit barneprogram som passar godt for barn frå 3 til 10 år.
Mariko Miyata-Jancey. Foto: Julie Pike/Gyldendal
«Mieko danser er en fortelling om identitet og forståelsen av eget kjønn. Den trekker og drar i forutinntatte stereotypier og forteller de minste at ikke alle trenger å passe inn i tradisjonelle rammer. … Men først og fremst er dette en fortelling om å få lov til å være seg selv, godt formulert av debutant Mariko Miyata-Jancey, og følsomt og friskt illustrert av den mer rutinerte Skinkeape (alias Marianne Gretteberg Engedal).»
Anne Cathrine Straume, NRK
«Lett på tå om å utvide kjønnsrollene og ikke alltid danse etter andres pipe.»
Karoline Henanger, Klassekampen
«Fra Mieko danser får vi et viktig og fint budskap om å være seg selv. Forfatteren illustrerer godt hvordan barn påvirkes av kjønnsroller og -normer uten at det blir sagt direkte. Miyata-Jancey skriver godt om hvordan identitet skapes i møte med andre mennesker, og hvordan barn lærer og oppfatter subtile normer. Bokas atmosfære gjenspeiler innholdet, illustratør Skinkeape er en mester i barnebokillustrasjon.»
Muna Jibril, Periskop
Aktuelt fra Jakob Sande-senteret
i residens
Marie Longva Danielsen er i residens i Jakob Sande-senter for forteljekunst i juni. Under opphaldet arbeider ho på ein ny scenetekst og ei samling poetiske tekstar.
Black Hauge til Fest i Fjaler med poesikonsert
Black Hauge avsluttar laurdagskvelden under Fest i Fjaler med nattspel i tunet 15. august! Der møtast Olav H. Hauge si ikoniske røyst og dikting eit av dei mest nyskapande kunstnariske samarbeida i landet. Gjennom sampla opptak, improvisasjon og eksperimentell musikk gir Erlend O. Nødtvedt og Erlend Apneseth Trio nytt liv til Hauge sine ord. Resultatet er ei særprega framsyning der poesi, lyd og kulturarv blir utforska på nytt.
Irene Kinunda Afriyie er årets festforteljar
Irene Kinunda Afriyie er årets festforteljar under Fest i Fjaler. Som forfattar, forteljar og samfunnsdebattant er ho kjend for sterke og personlege forteljingar om identitet, tilhøyrsle og fellesskap, formidla med både varme, humor og eit skarpt blikk. Under kveldsprogrammet 15. august møter du henne både som festforteljar og konferansier.