Markerer verdas bokdag med bokpakkar til skulestartarane i Fjaler
I dag er det verdas bokdag. Kvart år feirer UNESCO verdas bokdag for å anerkjenne krafta i bøkene og korleis den krafta kan byggje bru mellom generasjonar og på tvers av kulturar. Under Sandeseminaret 3.-4. april lanserte vi “Fjaler les”, der alle førskuleungar i Fjaler får ein bokpakke med nynorsk kvalitetslitteratur med oppmoding om lesande heimar. Prosjektet er eit samarbeid mellom Sandesenteret, Fjaler kommune, Samlaget og Fylkesbiblioteket.
Og difor lanserer vi "Fjaler les!" Alle skulestartarane i Fjaler får bokpakke frå Jakob Sande - senter for forteljekunst, i samarbeid med Fjaler kommune, Vestland fylkeskommune og Samlaget. Førskuleborna frå Yksnebjør barnehage kom til Sandeseminaret for å få overrakt sine bokpakkar. Foto: David Zadig
Under seminaret kom førskuleungane frå Yksnebjør barnehage til Løa i Klokkargarden for å motta dei første bokpakkane, og i løpet av mai månad skal alle skulestartarar i kommunen ha fått sin pakke. Sandeseminaret handla i år om krafta i å fortelje, lytte og lese, og samla folk frå kultur-, samfunns- og næringsliv til eit to dagers fagleg program i Fjaler. Seminaret følger mellom anna opp leselyststrategien Tid for lesing frå regjeringa, der det vert sett søkelys på dei dalande leseferdigheitene til barn og unge. “Fjaler les!” er ein pilot, som vi håpar å få til som eit fast tilbod.
Aktuelt fra Jakob Sande-senteret
Noreg treng eit sterkt senter for forteljekunst
Forteljing er sjølve kjernen i kven vi er – som individ og kultur. Gjennom forteljekunst finn vi måtar å forstå kvarandre og oss sjølve på. I Dale i Sunnfjord har Noreg fått sitt nasjonale senter for forteljekunst, ei naudsynt satsing i ei tid der fellesskap og menneskeleg nærvær er utfordra.
Velkomen til Jakob Sande-senter for forteljekunst i sommar
Våre sommarvertar ønskjer velkomne i Jakob Sande-tunet gjennom heile sommaren. Dei held ope i Gamle skulehuset og i tunet tysdag-sundag 11-16, og held omvisingar i Jakob Sande og Nikka Vonens fotspor tysdag-fredag kl.13.
Den folkekjære forteljekunstnaren Jon Eikemo har gått bort
Den folkekjære forteljekunstnaren og skodespelaren Jon Eikemo har gått bort. Vi vil særleg hugse han for hans store engasjement for Jakob Sande si dikting, som han bar fram med kraft, klokskap og varme.