Lytt til Klartekst om Jaja og Jakob Sande
Redaktør for Tidsskriftet Jaja og fagutviklar ved Jakob Sande - senter for forteljekunst Tora Hope er gjest i podkasten Klartekst.
I den nyaste episoden av Tekstallmenningens podkast snakkar Silje Heggren med Tora Hope, redaktør for Tidsskriftet Jaja.
Jaja er Jakob Sande - senter for forteljekunst sitt allmennkulturelle tidsskrift om skriftleg og munnleg forteljekunst. I episoden snakkar dei om kvifor forteljingane er viktige, korleis nye historier oppstår, og korleis Jaja løftar fram nye røyster i norsk forteljekunst.
Tora fortel om korleis Jaja arbeider med forteljingar som ligg i skjeringspunktet mellom kunst og litteratur, kvifor historier alltid kjem frå ein stad, og om korleis tidsskriftet arbeider med digitale og fysiske utgåver.
Vi får òg innblikk i Jakob Sande - senter for forteljekunst og forteljekunsten sin plass i Noreg i dag.
Er du nysgjerrig på forteljingar, forteljekunst eller berre liker samtalar om korleis vi menneske formidlar kven vi er: lytt til Klartekst via Apple Podcast, Spotify eller der du liker å høyre podkast.
Aktuelt fra Jakob Sande-senteret
Sandesenteret lanserer Forteljeduken
Forteljeduken er ein ny, vevd duk med motiv av illustratør Eva Meier, produsert ved det tradisjonsrike Ekelund veveri. Inspirert av liv, arbeid og forteljingar langs Dalsfjorden inviterer duken til samtale og glede rundt bordet.
Sandesenteret får støtte til å utbetre uteområdet ved Løa
Sandesenteret får støtte frå Huset i Bygda og kulturminnemidlar frå Fjaler kommune til å utbetre uteområdet ved Løa. Midlane gjer det mogleg å betre tilkomsten, gjere området universelt utforma og endå meir tilgjengeleg for alle, både dei som leiger huset, deltek på arrangement og brukar uteområdet til skule eller fritid.
I residens
Jógvan Helge Gardar er årets første i residensen. Under opphaldet skriv han på ein eigen roman i tillegg til å omsetje færøysk poesi til nynorsk.