i residens
Lisa Nordhaug er i residens i barndomsheimen til Jakob Sande. Her skriv ho på eit romanprosjekt.
Lisa Nordhaug er i residens i barndomsheimen til Jakob Sande.
Lisa Nordhaug (f. 1992) jobbar som psykolog i Oslo. Ho har studert ved Skrivekunstakademiet i Bergen og publisert dikt, noveller og dramatikkutdrag i ulike tidsskrift og fanziner. I residens skriv ho på eit romanprosjekt om ein einsam, utbrent og besett fastlege.
Samstundes freistar ho å nytte residensomgjevnadane til å snuse seg fram til ei avslappa haldning til kreativitet og skriving, også inspirert av mellom anna sosiologen Hartmut Rosa sine teoriar om resonans og det ukontrollerbare. Kanskje blir det eit essay. Kanskje blir det skriving på eit anna romanprosjekt og kanskje dramatikk eller eit lite dikt. Kven veit. Uansett blir det vakker natur og varm kaffi.
Aktuelt fra Jakob Sande-senteret
Vekas dikt: «Haust»
I 1936, som trettiåring, gav Jakob Sande ut si fjerde diktsamling, Villskog. I år er det 90 år sidan utgjevinga. «Haust» er eit av dikta i samlinga og er denne vekas dikt.
I residens
Denne veka er Wenche O. Gressnes og Mona Høydahl frå Harstad i residens i Dale. Her utforskar dei munnleg forteljing og ulike måtar å hente fram og formidle kvardags- og livsforteljingar på.
Skrivekurs for nye stemmer
På Forteljekunstakademiet inviterte Tekstallianse og Sandesenteret til kurs for skrivande med norsk som andrespråk.