I residens

Reidun Elise skriv: 

Eg heiter Reidun Elise Foldøy. Kjem frå Osterøy, og bur i Bergen. Jobbar som lærar i vidaregåande skule, og har også erfaring som lærar og kurshaldar i skapande skriving, mellom anna på Åsane folkehøgskule og gjennom den kulturelle skulesekken.

Tidlegare utgjevingar er ei novellesamling og ein roman. No i residens arbeider eg med eit romanmanus. Kanskje blir det også tid til å skrive ein fagtekst om det å skrive. Å utforske erfaringar, tankar, oppspinn og førestillingar gjennom tekst, og å gå i dialog med sitt eige uttrykk, er både moro, meiningsfullt og hardt arbeid. Eg trur mange kunne funne stor glede i å teste det ut. Skriving anbefalast på det varmaste. 

Torsdag 26.02 held Reidun Elise kurs i skapande skriving i Løa.