I residens
Den siste kunstnaren i residens ved Jakob Sande-senteret for 2025 var Marita Aarekol. Under opphaldet har ho arbeidd med det som skal bli ei bokutgjeving på Samlaget i 2026.
Marita Aarekol si interesse for hus har røter i arbeidet hennar som pressefotograf i Bergens Tidende. Gjennom utallege reiser på Vestlandet møtte ho små bygder og fråflytta heimar, og såg korleis både natur og tid sette spor i husa.
Møtet med forfallet vekte ei djup interesse for å dokumentere desse bygningane, ikkje berre som arkitektur, men som vitne om levd liv og kulturarv. Det handlar ikkje berre om å ta vare på minne om hus der folk har budd, men òg om å spegle samfunnet sine mangfaldige historier og stemmer.
Prosjektet stiller spørsmål ved kva slags arv som vert rekna som verneverdig, kva vi tek vare på, og kva som får forsvinne i stilla. Kven sine forteljingar vert høyrde, og kven sine liv får plass i det kollektive minnet? I området rundt Dale i Sunnfjord er det mange slike hus som vart dokumenterte under opphaldet i Jakob Sande-senter for forteljekunst.
Boka De forlatte hjemmene rettar blikket mot dei stille, gløymde husa som fortel om eit anna Noreg. Boka vert gjeven ut på Det Norske Samlaget hausten 2026.
Aktuelt fra Jakob Sande-senteret
Vekas dikt: «Haust»
I 1936, som trettiåring, gav Jakob Sande ut si fjerde diktsamling, Villskog. I år er det 90 år sidan utgjevinga. «Haust» er eit av dikta i samlinga og er denne vekas dikt.
I residens
Denne veka er Wenche O. Gressnes og Mona Høydahl frå Harstad i residens i Dale. Her utforskar dei munnleg forteljing og ulike måtar å hente fram og formidle kvardags- og livsforteljingar på.
Skrivekurs for nye stemmer
På Forteljekunstakademiet inviterte Tekstallianse og Sandesenteret til kurs for skrivande med norsk som andrespråk.