I residens
Mari Elise Haugen, Kjersti Wøien Håland og Sofia Knudsen Estifano er i residens i Jakob Sande-senteret. I løpet av opphaldet inviterer dei til ei arbeidsvising.
Navasté er eit teaterstykke basert på Mari Elise Haugen sine opplevingar. Som tenåring vart Mari Elise diagnosert med den sjeldne sjukdommen Takayasus Arteritt. Sjukdommen er kronisk, ofte usynleg og gjort at ho har tatt medisinar med heftige biverknader. Med skråblikk, sårheit og humor viser Mari korleis det er å navigere oppvekst, NAV-systemet og andre sine forventingar til kva ein sjuk person bør gjere med livet sitt. Målet er at publikum skal bli opplyst, opprørt og oppløfta.
Mari Elise Haugen er skodespelar og det biografiske subjektet i framsyninga. Ho er med å utvikle manus og skal spele hovudrolla.
Sofia Knudsen Estifanos er skodespelar og kunstnarisk leiar i SPKRBX, som skal produsere framsyninga. Sofia er med å utvikle manus og spelar biroller.
Kjersti Wøien Håland er dramatikar. Ho er med på å utvikle og skrive manus.
Førre veke arbeidde trioen med tekstutvikling, medan dei denne veka testar teksten ut i praksis i dei gode lokala til PreForm i Samvirket.
Aktuelt fra Jakob Sande-senteret
Vekas dikt: ÅSE FANTEMOR
Denne hausten deler vi eit nytt dikt kvar veke. Denne veka er det diktet Åse fantemor frå samlinga Storm frå vest vi presenterer.
Markering av Nikka Vonen sin fødedag og det nystifta venelaget i hennar namn
I ettermiddag klokka 18 markerer vi fødedagen til Nikka Vonen med ei vandring og ein samtale. På markeringa vil du få høyre meir om det nystifta Nikka Vonen venelaget. Eit venelag med føremål om å styrkje interessa for Nikka Vonen si verksemd og skule- og danningshistoria i Dale. Vel møtt!
Ein auke til Jakob Sande-senter for forteljekunst
i SP sitt alternativ til statsbudsjett ligg Sandesenteret inne med ein solid auke. Får vi det gjennom kan vi sikre eit sterkare fagmiljø ved senteret og ei varig organisering.