I residens

Wenche O. Gressnes og Mona Høydahl frå Harstad er denne veka i residens i Jakob Sande-senteret. 

Dei har begge lang erfaring som formidlarar og er utdanna både innan forteljing, pedagogikk, sosiologi, kunstterapi og religion og har såleis ein tverrfagleg inngang til å hente fram og attfortelje historier. 

Dei brenn begge for munnleg forteljing og heiar på kvardagsforteljingane, som også kan munne ut i livsforteljingar. Wenche jobbar som helsepedagog der eit av hennar viktigaste oppdrag er å rettleie og ivareta pasientar og pårørande som bidreg med si livsforteljing inn i ulike diagnosespesifikke kurs, og Mona er museumspedagog ved Sør-Troms museum, der munnleg forteljing er ein av metodane i formidlingsarbeidet.  

Under opphaldet skal dei jobbe vidare med eit forteljeprosjekt dei har pågåande i Harstad. Dei håpar også å få teste ut metodane på personar lokalt under opphaldet her i Dale.