Gode dagar på forteljekunstakademi
13. og 14. august arrangerte Sandesenteret forteljekunstakademiet "Du kan". Studentar, skapande, skrivande og engasjerte fann vegen til Fjaler og akademi.
Nokre av deltakarane på bolken om undervisningskunst på Steia Gard. Foto: David Zadig
Med sats i arven etter hjartedannaren Nikka Vonen og årets tema "kvinna", inviterte Sandesenteret og Nikka Vonen Venelag til Forteljekunstakademiet «Du kan!».
800 jenter. Så mange elevar var innom det vidgjetne Nikka Vonens Pigeinstitutt i Fjaler. Bjørnstjerne Bjørnson sende barn og barnebarn hit, og den første kvinna på Stortinget, Karen Platou, gjekk i skule hos Nikka.
I ei tid då få jenter fekk utdanning, via Nikka seg til å skikke elevane sine til livet. Ho må ha lukkast, for vitnemåla om Nikka er mange og gode.
Livsverket hennar var hjartedanning, sa soknepresten Døskeland. I eit minneord skreiv han: «Hennar undervisning og oppdraging av elevane var i beste forstand øving i livskunst». Ei av jentene sa: «Samværet med Nikka ga oss alltid mot og håp. Det var som om hun sa, med eller uten ord: Du kan!».
Under årets akademi fekk deltakarane bli kjend med Nikkas idear om danning og utvikla eigne evner til skriftleg og munnleg forteljing. Det var mellom anna kurs i verselesing med Liv Hege Skagestad, kurs i munnleg forteljing ved Heidi Dahlsveen og kurs i høgtlesing og formidling ved Rolf Magne Golten Andersen.
Alle foto David Zadig
Deltakarar og bidragsytarar på veg til Steia Gard
Undervisningskunst med Sigrid Sandemose. Foto: David Zadig
Akademi i Grønnestuen på Steia Gard. Foto: David Zadig
Dialog om ulike problemstillingar. Foto: David Zadig
Ellen og Rakel i samtale om diktet "Fabel" av Jakob Sande, som har fått plass i framlegg til innhald i dei nye læreplanane hjå UDIR. Foto: David Zadig
Alexander Rauboti om Nikka Vonens pikeskole. Foto: David Zadig
Tove Elise Ihler om forteljebål. Foto: David Zadig
Styreleiar i Nikka Vonen venelag, Siri Ingvaldsen, introduserte fleire av postane på Steia Gard. Foto: David Zadig
Akademideltakarar prøver finne ut kva for urt Tove Elise Ihler har tatt med seg frå Finnskogen. Foto: David Zadig
Fortelje"bål" i rosenlund på Steia Gard. Foto: David Zadig
På veg ned alleen frå Steia Gard
Alle bidreg på akademi.
Pianist og forteljar Sara Smiseth heldt konserten "formødre" i Løa. Foto: David Zadig
Sara Smiseth har tidlegare vore i residens i Sandesenteret, der ho skreiv manuset til konserten "Formødre": No var ho tilbake for å spele konserten i sin heilskap. Foto: David Zadig
Studentar les diktet "Fabel" som start på frukostmøtet med Nytta i det nyoppussa Lokalet.
Frå frukostmøte.
Dagleg leiar i Nytta AS, Andreas Fonn Macsik leia samtalen "heimkome" med Marie Stølen, Arlen Solheim og Anna Stina Bjørlo Stafsnes.
Anna Stina Bjørlo Stafsnes
Så vart det kurs i høgtlesing og formidling med Rolf Magne Golten Andersen.
Yngvild Fagerheim og Sara Smiseth var blant deltakarane på Rofl Magne sitt kurs.
Rolf Magne fortel.
Heidi Dahlsveen var neste kurshaldar, med kurs i munnleg forteljekunst.
Deltakarar på kurs med Heidi Dahlsveen.
Kurshaldar Heidi Dahlsveen instruerer
Aktuelt fra Jakob Sande-senteret
Vekas dikt: «Haust»
I 1936, som trettiåring, gav Jakob Sande ut si fjerde diktsamling, Villskog. I år er det 90 år sidan utgjevinga. «Haust» er eit av dikta i samlinga og er denne vekas dikt.
I residens
Denne veka er Wenche O. Gressnes og Mona Høydahl frå Harstad i residens i Dale. Her utforskar dei munnleg forteljing og ulike måtar å hente fram og formidle kvardags- og livsforteljingar på.
Skrivekurs for nye stemmer
På Forteljekunstakademiet inviterte Tekstallianse og Sandesenteret til kurs for skrivande med norsk som andrespråk.